Ushtruesja e detyrës së Presidentes së vendit, Vjosa Osmani, sot ka publikuar pamje të ambientit të Presidencës ku flamuri dardan shihej ndërsa valvitej mes atij të Kosovës dhe Bashkimit Europian.
Duke qenë se flamuri dardan, ishte simbol i liderit historik të LDK-së, Ibrahim Rugova, është kreu aktual i saj Isa Mustafa, i cili këtë veprim të Vjosa Osmanit e ka cilësuar gënjeshtër folklorike.
Madje, duke aluduar në atë që Osmani po i përkrah idetë e Vetëvendosjes, Mustafa ka thënë se VV s’ka asnjë lidhje dhe as relacion politik me vlerat rugoviane.
”VV s’ka asnjë lidhje dhe as relacion politik me vlerat rugoviane. Nuk funksionon formula edhe me VV dhe idetë skajshmërisht të majta edhe me Ibrahim Rugovën dhe simbolet Rugoviane”, ka thënë Mustafa.
Por, ndaj kësaj deklarate të Mustafës ka reaguar shefi i stafit në presidencë, Faton Peci.
Ai, ka thënë se koha kur mendimi i Mustafës ka pasur peshë i takon së kaluarës.
“Është komplet jo relevante se çfarë thotë Isa Mustafa për ne. Koha kur mendimi i tij ka pase ndonjë peshë, tashme i takon të kaluarës”, ka thënë ai./FrontOnline