Shqiptari nga Mali i Zi Mario Dedivanoviç prej 13 vitesh është i pandashëm nga Kim Kardashian.

Lajmi se motra më e madhe e Kardashian kërceu me hitin popullor nga Ballkani, “Helikopter, Helikopter” nxiti të qeshura në rajon, por nuk është e vetmja lidhje e familjes së famshme me zonën tonë.

Në të vërtetë, një nga miqtë më të ngushtë të përfaqësueses më të njohur të klanit Kardashian, Kim, është Mario Dedivanoviq, shqiptar me origjinë nga Mali i Zi.

Mario ka lindur në Nju Jork, por shpesh herë në intervista thekson origjinën e tij ballkanike, respektivisht se është shqiptar. Gjatë marrjes së çmimit për “artistin më të mirë ndër influencuesit”, në vitin 2019, që iu dha nga Kim Kardashian, Mario pranoi publikisht për herë të parë se ishte homoseksual.

Me atë rast, ai tha se interesimi i tij për botën e make-up-it ishte vendimtar për vendimin për t’u larguar nga shtëpia e familjes.

“Disa ditë më parë, në ditëlindjen e 73-të të nënës sime, u ktheva nga puna pas një dite stresuese. Ajo lau rrobat e mia, dhe unë u shpërtheva dhe fillova të qaja. Më në fund i thashë se e kisha kaluar gjithë fëmijërinë time duke shtypur mendimet e mia, ëndrrat e mia, ndjenjat dhe kreativiteti, duke u përpjekur të jem i padukshëm që askush të mos e dijë se si ndihem brenda”, tha Mario.

“E dija që isha ndryshe. Isha i traumatizuar sepse isha i tillë. Kam jetuar në frikë gjithë jetën. Më vinte turp. Nëna ime më tha: “Që sot e tutje, nuk do të kesh më kurrë frikë apo turp”, e pranoi Dedivanovic në lot.

Kur i dha çmimin, Kim tregoi se e donte shumë.

“Ne kemi punuar së bashku për 13 vjet, që do të thotë – 13 vjet grindje. Nuk do ta besoni se si ne luftojmë, sikur të jemi vëlla dhe motër. Por ai krijoi disa nga kujtimet e mia më të bukura dhe besoj se ai më bëri mua personi që jam sot. E dua atë”, tha Kim./FrontOnline/