[wp-story]

Lajme

Jep dorëheqje zv/prokurori i Speciales, shkak dosjet e dërguara në OVL-UÇK

Jep dorëheqje zv/prokurori i Speciales, shkak dosjet e dërguara në OVL-UÇK
17:23 | 17 Shtator 2020

Njëri nga zëvendësprokurorët kryësorë të Dhomave të Specializuara po raportohet se ka dhënë dorëheqje pas informacioneve se në zyrat e OVL-UÇK-së janë dërguar dosje të Speciales.

Zëvendësprokurori në Zyrën e Prokurorit të Specializuar, Kwai Hong Ip, ka dhënë dorëheqje, pasi mijëra dosje, që ndër të tjera, thuhet se përmbajnë emra të dëshmitarëve dhe dëshmitë e tyre, kanë rënë në dorë të veteranëve të UÇK-së, raporton gazeta express.

Zyra e Prokurorit të Specializuar nuk ka preferuar të komentojë për këtë çështje.

Zyrtarët e Dhomave të Specializuara kanë marrë sot dosjet në Organizatën e Veteranëve të UÇK-së.

Specialja e pranon se dosjet në OVL-UÇK janë të saj

Kryetari i Organizatës së Veteranëve të UÇK-së, Hysni Gucati, ka deklaruar se zyrtarët e Gjykatës Speciale kanë pranuar se këto materiale janë të kësaj gjykate.

Mirëpo, sipas Gucatit, kjo gjykatë ende nuk e din se si po rrjedhin dosjet e tyre.

Gjatës ditës së djeshme në Organizatën e Veteranëve të Ushtrisë Çlirimtare të Kosovës një person i panjohur i ka dorëzuar edhe një seri dosjesh tjera që pretendohet se përfshijnë dokumente nga Gjykata Speciale. Këso lloj dosjesh janë dërguar në zyrat e OVL-UÇK-së edhe gjatë javës së kaluar, por këto dokumente u morën nga zyrtar të Dhomave të Specializuara.

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera