×
  • Bota/Rajoni
  • Bota/Rajoni

    Jep dorëheqje Izet Mexhiti

    FrontOnline
    08 Mars 2021

    Deputeti i BDI-së Izet Mexhiti sot e ka njoftuar kreun e Kuvendit se ai jep dorëheqje nga funksioni “Koordinator i grupit parlamentar të BDI-së”.

    Njoftimin për dorëheqjen e tij e bëri përmes një postimi në Facebook. Mes tjerash, në njoftimin e tij nënkuptohet se dorëheqja e tij vjen si pasojë e përplasjeve brendapartiake mes tij dhe Artan Grubit.

    Mexhiti thotë se do të vazhdojë mandatin e deputetit, gjithmonë duke u udhëhequr nga politikat dhe idealet e kreut të BDI-së, Ali Ahmeti.

    ” I nderuari kryetar i Kuvendi të Republikës së Maqedonisë së Veriut , z.Talat Xhaferi, më lejoni, që si koordinator i grupit parlamentar të Bashkimit Demokratik për Integrim, të shpreh përgëzimet e mija sinqerta, për rolin e juaj më se konstruktiv dhe angazhimin e pakontestueshmë tuaj, që gjithmon ka rezultuar me një efikasitet në punën e organit më të lartë ligjëdhënës të RMV-së si dhe ka sjellë vlera të shtuara demokratike në shtëpinë e demokracisë. Përndryshe, ajo, demokracia, gjithmon jo vetëm ka lejuar por dhe ka promovuar dhe inicuar debatin dhe me këtë edhe mendimin ndryshe, jo vetëm në shoqëri dhe në tempullin e demokracisë parlamentin republikan, por madje edhe në suaza të një subjekti politik. Unë, gjatë këtyre 20 vjetë të jetës aktive politike, gjithmon kam dëshmuar se jam përkrahës dhe mbrojtës, pa asnjë mëdyshje në vete, të dy parimeve kryesore të demokracisë: zërit të mendimit lirë dhe forcës së zërit të shumicës së elektoratit. Mendimi ndryshe është më se i shëndoshë për një shoqëri demokratike ndërsa forca e zërit të shumicës elektorale është determinant kryesor i konceptualitetit të demokracisë dhe atë në të gjitha nivelet. Për këtë shkak, duke qëndruar denjësisht pas këtyre principeve kredibile, duke mbetur fuqishëm pas qëndrimeve personale, tani më shpesh të shprehura në opinion, se në subjektin të cilit i përkas prej në ditët e para të themelimit të tij si, po ndodhin zhvillime të cilat në asnjë mënyrë nuk mund të jenë në favor të forcës më të madhe politike të shqiptarëve të RMV-së dhe që është edhe më e rëndësishme, as në favor të liderit të pakontestueshëm të shqiptarëve , kryetarit z. Ali Ahmeti, si dhe duke dëshiruar mos krijimin e hutisë edhe tek ndonjë kolegë i im në Kuvend, e nga ana tjetër, me intencë të dhënjës së hapësirës veprimit tim për elaborim më të dënjë të qëndrimit pas të cilit fuqishëm qëndroj, ju informoj se tërhiqem nga pozita e koordinatorit të grupit parlamentar të BDI-së. Vazhdoj të mbetem gardian i politikave dhe idealit të kryetarit Ali Ahmetit si dhe zëri i votuesit të BDI-së, i cili në të gjitha ciklet zgjedhore ka dhënë armën më të fortë në duart tona, për të realizuar atë që kemi premtuar dhe jemi zotuar para tyre. Ky ka qenë dhe do të mbetet ideali im dhe jo pozitat dhe privilegjet personale.Me respekt, Izet Mexhiti” ka shkruar Mexhiti në profilin e tij zyrtar në Facebook.

    Kësaj dorëheqje i paraprijnë problemet brendapartiake që po zgjasin me muaj. Mexhiti disa herë ka kritikuar zëvendëskryeministrin Artan Grubi duke kërkuar llogari për funksionin që e mbanë Grubi dhe për punët që i/nuk i ka kryer që kur është emëruar si njeriu i dytë i Qeverisë së Republikës së Maqedonisë.

    Problemi nuk u tejkalua as me ndërmjetësimin e Ali Ahmetit pas mbledhjes maratonike që u mbajtë në Reçicë para 1 jave.

    Mexhiti para ca kohësh pati paralajmëruar edhe interpelancë ndaj zv/kryeministrit Artan Grubi.

    Njoftimet nga KEDS, vendet që s’do të kenë rrymë nesër
    Nga Rubrika
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Bota/Rajoni28 Mars 2024
    Ka ndërruar jetë sot në moshën 82-vjeçare ish-senatori amerikan, Joe Lieberman, i cili para gati dy dekadave kishte vizituar Kosovën. Ai ishte...
    Bota/Rajoni27 Mars 2024
    Votimi kundër raportit për anëtarësimin e Kosovës në Këshillin e Evropës nga përfaqësuesja e Malit të Zi në Komisionin e Asamblesë Parlamentare...
    Të tjera
    Kronika28 Mars 2024
    Dy persona janë gjetur të vdekur në Prishtinë, në dy raste të ndara. Në rastin e parë, një grua ka njoftuar policinë...
    Lajme28 Mars 2024
    Komuna e Prishtinës ka njoftuar banorët e kryeqytetit se shumë shpejt do të zhvillohen zgjedhjet në lagjet e qytetit për formimin e...
    Lajme28 Mars 2024
    Kryeministri i Kosovës, Albin Kurti, e ka quajtur lajm të mirë kalimin me sukses vendimmarrjen e radhës në rrugën drejt anëtarësimit në...
    Lajme28 Mars 2024
    Presidentja e Kosovës, Vjosa Osmani kujtoi ka përkujtuar 25-vjetorin e masakrës së Izbicës së Skenderajt. “Kujtesa historike është në funksion të respektimit...
    Lajme28 Mars 2024
    Policia e Kosovës ka gjobitur dy vozitës, të cilët po garonin me vetura në rrugën Prishtinë – Mitrovicë. PK ka bërë të...
    Lajme28 Mars 2024
    Ministri i Administrimit dhe Pushtetit Lokal, Elbert Krasniqi, ka njoftuar se kanë ndarë tetë milionë euro në 11 komuna të Kosovës. Krasniqi...

    FrontOnline, © 2024 Të gjitha të drejtat e rezervuara.