Në mënyrën më dramatike të mundshme janë mbyllur dy ndeshjet e fundit të grupit E mes Kosta Rikës dhe Gjermanisë si dhe Japoni – Spanjë, raporton FrontOnline.

Në “Al Bayt Stadium”, Kosta Rika sonte u përball me Gjermaninë.

Ndeshja në fjalë i takoi Gjermanisë me rezultat 2:4.

Gnabry (’10), Havertz (’73,’85) dhe Fullkrug (’90+1) shënuan golat për “Panzerët”.

Kurse, për Kosta Rikën realizuan Tejeda (’58) dhe Vargas (’70).

Nga ana tjetër, Japonia e ka befasuar Spanjën në ndeshjen tjetër të grupit E.

Ndeshja që u luajt në “Khalifa International Stadium” i takoi Japonisë 2:1.

Doan (’48) dhe Tanaka (’51) i realizuan golat për Japoninë, kurse Morata (’12) shënoi për Spanjën.

Kësisoj, Japonia kualifikohet në fazën e eliminimit direkt nga vendi i parë me gjashtë pikë, Spanja nga vendi i dytë me katër sosh, teksa bien Gjermania me katër pikë dhe Kosta Rika me tre sosh./FrontOnline/