Kryeministri i Kosovës, Avdullah Hoti, ka marrë vendim për pezullimin e ekzekutimit të të gjitha vendimeve lidhur me lejeqëndrimin e këshilltarit të Albin Kurtit, Teinmu Ma.
Ky vendim i Hotit ka ardhur pas kërkesës së Avokatit të Popullit, Naim Qelaj.
“Kryeministri Hoti ofron bashkëpunimin e plotë rreth kësaj çështje, gjithmonë në pajtim me mandatin kushtetues dhe ligjor, si dhe njëherit mbetet në pritje deri në përfundimin e hetimit nga Institucioni i Avokatit të Popullit”, thuhet në kumtesë.
Këto janë vendimet e pezulluara:
“1. Vendimit Nr. Ref. 116/2020 i Komisionit të Ankesave për të Huajt, i datës 21.09.2020 me të cilën i refuzohet ankesa z.Tienmu Ma, e parashtruar kundër vendimit të shkallës së parë;
Vendimit Nr. 02224/20 mbi refuzimin e kërkesës së lejes së qëndrimit të përkohshëm i datës 20.8.2020; dhe
Vendimit Nr. 00174/20 për largimin vullnetar të Ministrisë së Punëve të Brendshme – Departamenti për Shtetësi, Azil dhe Migrim – Divizioni për të Huajt, i datës 21.8.2020”.