Lajme

Ja çka kishte shkruar Avdullah Hoti për Mini Schengenin Ballkanik

Ja çka kishte shkruar Avdullah Hoti për Mini Schengenin Ballkanik
21:58 | 04 Shtator 2020

Delegacioni i Kosovës, i prirë nga kryeministri Avdullah Hoti, sot u takua me delegacionin e Serbisë në Shtëpinë e Bardhë, ku e nënshkruan një Marrëveshje ekonomike në mes këtyre dy vendeve, shkruan Front Online.

Pjesë e kësajë marrëveshjeje doli të jetë edhe pranimi Minishengenit ballkanik.

Projekt ky, të cilin kryeministri Hoti e kishte kundërshtuar një vit më parë, duke e quajtur si projekt që nuk ështe në interesin e Kosovës.

Sipas Hotit, aso kohe, Minischengeni ia pamundësonte Kosovës vendosjen e reciprocitetit.

“Minishengeni ballkanik është një modalitet tjetër i Unionit Doganor Ballkanik, të cilin e kemi refuzuar në vitin 2016. Ja disa arsye pse ky projekt nuk është në interesin e Kosovës dhe të shumicës së vendeve në regjion:
1. Ia pamundëson Kosovës të vendosë kontrolle (tarifa, apo reciprocitet të plotë) për mallra që e çrregullojnë tregun e Kosovës, në radhë të parë ndaj Serbisë dhe Bosnjës si dy vende që nuk e njohin Kosovën dhe e pengojnë në çdo formë”, kishte shkruar Hoti aso kohe.

Këto janë disa nga arsyet tjera, për të cilat aso kohe Hoti ishte kundër Minischengenit.

Minishengeni ballkanik është një modalitet tjetër i Unionit Doganor Ballkanik, të cilin e kemi refuzuar në vitin 2016. Ja disa arsye pse ky projekt nuk është në interesin e Kosovës dhe të shumicës së vendeve në regjion:
1. Ia pamundëson Kosovës të vendosë kontrolle (tarifa, apo reciprocitet të plotë) për mallra që e çrregullojnë tregun e Kosovës, në radhë të parë ndaj Serbisë dhe Bosnjës si dy vende që nuk e njohin Kosovën dhe e pengojnë në çdo formë.
2. Mundëson lëvizje të papenguar për zyrtarë serbë që vijnë në Kosovë për fushatë politike kundër shtetit të Kosovës, pa pasur mundësi të ndalen në kufi për shkak të “lëvizjes së lirë” pa leje paraprake që mundëson minishengeni.
3. E de-faktorizon Kosovën politikisht dhe ekonomikisht në kontekst të marrëdhënieve rajonale, pasi marrëveshja nënkupton delegimin e fuqisë shtetërore në minishengen.
4. Favorizon ekonomikisht shtetet e Ballkanit që kufizohen me shtete anëtare të BE-së përmes politikës së taksave, ndërkaq Kosova nuk ka asnjë kufi me BE-në.
5. Krijon mundësi për invazion të mallrave nga Rusia dhe vendet e zonës ekonomike ruse për shkak se Serbia ka marrëveshje të tregtisë së lirë me Rusinë.
6. Si vendi me popullsinë dhe me ekonominë më të madhe në rajon, Serbia përmes kësaj ideje tenton ta mbajë sa më gjatë regjionin e Ballkanit jashtë Bashkimit Evropian, në pritje të krijimit të balanceve të tjera gjeopolitike me rol të shtuar të Rusisë.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera