[wp-story]

Lajme

Ja çfarë ndodhë nëse Kushtetuesja e rrëzon Qeverinë “Hotit”

Ja çfarë ndodhë nëse Kushtetuesja e rrëzon Qeverinë “Hotit”
10:17 | 02 Dhjetor 2020

Gjykata Kushtetuese sot mund të vendos për rrëzimin e Qeverisë së udhëhequr nga Avdullah Hoti, në rast se gjyqtarët e këtij organi që është kontrolli më i lartë mbi pushtetin legjislativ dhe ekzekutiv në Kosovë, vendosin ta shpallin të pavlefshme votën e deputetit Etem Arifi.

Kushtetuesja aktualish po e mban një seancë publike virtuale ku janë duke u dëgjuar opinionet e palëve, derisa në fund do të publikohet edhe verdikti lidhur me ligjshmërinë apo jo të votës së deputetit Etem Arifi. Një vendim pro Vetëvendosjes sjell një situatë të re politike në vend.

Në rast të rrëzimit të Avdullah Hotit, ish-kryeministrit Albin Kurti do t’i jepet sërish mundësia që të kthehet në krye të Ekzekutivit. Në atë situatë, ushtruesja e detyrës së presidentes, Vjosa Osmani, duhet që ta kërkojë një emër nga Lëvizja Vetëvendosje për ta drekretuar si mandatar për formimin e qeverisë së re.

Ish-kreu i Gjykatës Kushtetuese, Enver Hasani, ka treaguar të hënën në emisionin DPT te Fidani në T7 se cfarë do të ndodhë nëse Kushtetuesja shpallë të pavlefshme votën e deputetit Etem Arifi.

“Nëse shpallet e pavlefshme, atëherë kthehemi tek Kurti”, ka thënë ai. “Kurti kthehet në pozitën ku ishte në fillim. Do të thotë zgjedhë se a do t’i dërgojë letrat famoze përsëri u.d. presidentit”.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera