Italia ka kthyer gjysmë karantinën për shkak të shifrave të larta të COVID-19. Kryeministri Giuseppe Conte ka firmosur dekretin i cili do të futet në fuqi ditën e hënë. Për pasojë, lokalet, baret, restorantet do të mbyllen pas orës 18:00. Nga dita e nesërme mbyllen plotësisht palestrat, teatrot dhe kinematë. Shkollat do të vijojnë të qëndrojnë të hapura, por do të reduktojnë pjesëmarrjen e nxënësve.
Ndërsa lëvizja nga një rajon në një tjetër do të vijojë rregullisht. Masat e reja anti-COVID do të jenë në fuqi deri më 24 nëntor 2020.
Gjate ditëve të fundit, Italia ka shënuar një numër të madh infektimesh dhe viktimash. Gjatë 24 orëve të fundit në Itali rezultuan pozitiv rreth 20 mijë persona ndërsa humbën jetën 153 pacientë.
