Komisioni Disiplinor i kompanisë “Trepça” Sh.a ka vendosur që pas suspendimit, t’ia ndërprejë marrëdhenien e punës, ish-ushtruesit të detyrës së Kryeshefit, Enis Abdurrahmanit.
Sipas njoftimit të lëshuar nga Trepça sh.a , Abdurrahmani dyshohet se ka bërë përdorim të paligjshëm të mjeteve të Trepça Sh.A, ka keqpërdorur pozitën, ka tejkaluar autorizimet dhe se ka shkaktuar dëm me qëllim ose nga pakujdesia.
“Në bazë të këtyre shkeljeve, Komisioni Disiplinor, me vendim nr. prot: 2664, datë 24.02.2025, ka vendosur shqiptimin e masës disiplinore – ndërprerjen e marrëdhënies së punës ndaj z. E.A”, përfundon njoftimi.
