Lajme

Ish-ministri Vitia javën e ardhshme raporton në Komisionin Hetimor për menaxhimin e pandemisë

Ish-ministri Vitia javën e ardhshme raporton në Komisionin Hetimor për menaxhimin e pandemisë
11:13 | 16 Shtator 2020

Ish-ministri i Shëndetësisë, Arben Vitia dhe ish-zëvendësministri i Shëndetësisë, Izet Sadiku do të jenë dy prej katër personave që do të raportojnë gjatë javës së ardhshme në Komisionin Hetimor Parlamentar për Menaxhimin e pandemisë.

Në mbledhjen e këtij komisioni, të martën, është vendosur po ashtu që krahas tyre të intervistohet edhe prindi i Agon Musliut, vdekja traegjike e të cilit në Qendrën Studentore që përdorej për karantinë kishte qenë sebep për kritika të ashpra ndaj qeverisë së atëhershme.

Përveç tyre, për intervistim është ftuar edhe menaxheri i karantinës në Qendrën e Studentëve në Prishtinë, Valdet Hashani.

“Na duhet intensifikimi i punës që në javën e ardhshme të caktojmë takimet… Në listë është Arben Vitia, prindi i Agon Musliut, dhe Izet Sadiku e Valdet Hashani… pra të raportojnë të katër dëshmitarët”, ka thënë në mbledhje Mimoza Kusari, kryetarja e Komisionit.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera