Ish-ministri i Ministrisë së Punëve të Brendshme (MPB), Ekrem Mustafa, ka hequr dorë përfundimisht nga politika, raporton Front Online.
Ai ka thënë për Front Online se i është kthyer bizneseve të tij private, dhe nuk e ka ndërmend më të merret me politikë.
Mustafa tha se ka oferta nga disa parti të tjera politike, por që vendimi i tij është tërheqja nga politika.
“Nuk jam duke u marrë me politikë, jam duke u marrë me profesionin tim dhe me bizneset e mia private, nuk jam duke u marrë fare me politikë. Kam oferta shumë, prej 2 apo 3 partive, por prej asnjërës nuk do të konkurroj. Kam heqë dorë nga politika”, ka thënë Mustafa për Front Online.
Mustafa nuk ka treguar arsyen pse ka marrë një vendim të tillë.
Ai ishte ministër i Punëve të Brendshme nga AKR-ja në Qeverinë “Haradinaj”./Front Online/
