Ish-anëtari i partisë Nisma Socialdemokrate, tani asamblist i pavarur në Komunën e Pjesë, Gëzon Berisha, ka reaguar pas shkarkimeve të konsujve nga Vjosa Osmani.
Ai ka thënë se Kosova me veprime të tilla duke shkarkuar dhe emëruar është bërë gaz i botës.
Berisha ,tutje ka thënë se emërime të tilla në ambasada kanë bërë edhe politikanët tjerë, për të cilët askush nuk po reagon.
“Nuk është rasti i zotit Shala i vetmi, ka shumë raste ku me bindje te plotë them se mbi 90% e politikanëve e kanë bërë te njëjtën gjë, e sot “i fusin veshtë në leshë” si thotë populli”, ka shkruar Berisha.
Me poshtë mund ta lexoni reagimin e tij të plotë:
Me shkas
Pasi jemi bërë shtet “Komedi” dhe nuk po e njohim as vetëvehtën, e atëher po hidhrohemi pse spo na njeh bota!
Ngarko shkarko, u bëm gaz i Botës, mos te presim as Liberalizim, as respekt nga Bota, per momentin na kanë bumbur identitetin!
Ahhhh të kishim një grusht të hekurt një Prokurori te përkushtuar për shtetin e qe nuk i frigohët as kujtë, qe te futët e ta bëjë një hetim për të gjithë politikanët, për të afermit e tyre, dhe të dalin me një listë se sa politikan i kanë rehatuar familjarët e vet, e pastaj qytetarët të gjykojn vet se mbas kujtë shkojn dhe për kënd i thejn këmbët!
Nuk eshte rasti i zotit Shala i vetmi, ka shumë raste ku me bindje te plotë them se mbi 90% e politikanve e kanë bërë te njejtën gjë, e sot “i fusin vesht në leshë” si thot populli!
Para ligjit duhët te jemi të gjithë të barabart. Nese janë shkarkuar këta Konsuj qe kanë pasë lidhje me politikën, pse mos te shkarkohën të gjithë familjarët e politikanve dhe te pastrohët Kosova njëher e mirë nga familjarët, vllëzërit, motrat, dajallarët, tezet e shfalerkatë!
Portalet në Kosovë janë shendrru në biznese shantazhi fatkeqsisht, dhe nuk kanë gadishmëri dhe guxim të merren me shumë dukuri negative.
Turp!
Nuk po di pse po flas, por më mirë se po pelcas!