×
  • Lajme
  • Lajme

    “Isa Boletini”: Me pozitën fillestare anuese – proserbe, Gjykata Speciale nuk premton drejtësi

    FrontOnline
    25 Nëntor 2020

    Shoqata Kulturore Shqiptare ”Isa Boletini“ me seli në Sindelfingen-Böblingen të Gjermanisë, ka shprehur indinjatën e thellë me rastin e fillimit të procesit gjyqësor ndaj ish-krerëve të Ushtrisë Çlirimtare të Kosovës.

    Përmes një komunikate për media, kjo shoqatë vlerëson se me kualifikimin UÇK-së, si “ndërmarrje e përbashkët kriminale”, Prokuroria Speciale po dëshmon se ajo është e njëanshme, politike dhe kryesisht në shërbim të politikës së Serbisë e jo në shërbim të drejtësisë.

    “Andaj, ne si shoqatë dhe si mërgimtarë shqiptarë nuk mundë të besojmë fare në drejtësinë e kësaj Gjykate Speciale, përderisa kjo, procesin gjyqësor e ka filluar dhe po e vazhdon mbi provat, informatat dhe ndihmën që shteti i Serbisë ia ofron dhe siguron asaj për ta akuzuar dhe njollosur UÇK-në dhe luftën çlirimtare të saj”, thuhet në reagim.

    Në fund të reagimit kjo shoqatë kërkon përfundimin sa më të shpejtë të këtij procesi gjyqësor, si dhe lirimin e të gjithë të akuzuarve, në mungesë të bazës juridike dhe të provave.

    “Që kjo të ndodhë, apelojmë për një mobilizim institucional si dhe për unitet politik e kombëtar”.

    Ky është reagimi i plotë i Shoqatës Kulturore Shqiptare ”Isa Boletini“:

    Me pozitën fillestare anuese – proserbe, Gjykata Speciale nuk premton drejtësi!

    Si shoqatë dhe si mërgimtarë shqiptarë, jemi shumë të prekur dhe të indinjuar me procesin e filluar gjyqësor, për shkak të akuzave të Prokurorisë Speciale të Kosovës, të ngritura padrejtësisht kundër UÇK-së përkatësisht kundër ish themeluesve, ish drejtuesve dhe ish ushtarëve të saj. Sidomos, me kualifikimin UÇK-së, si ndërmarrje e përbashkët kriminale, Prokuroria Speciale po dëshmon se ajo është e një anshme, politike dhe kryesisht në shërbim të politikës së Serbisë e jo në shërbim të drejtësisë.

    Faktet dëshmojnë se në Kosovë, krimet, masakrat, dhunimet, shkatërrimet, spastrimin etnik dhe gjenocidin i ka kryer shteti i Serbisë përmes rreth 200.000 trupave (ushtarë, polic dhe paramilitarë serb) të armatosura me armatim të rëndë dhe modern dhe të vendosura në Kosovë pikërisht për këto qëllime …!

    – Disa prej fakteve që e pasqyrojnë politikën kriminale dhe gjenocidale të Serbisë ndaj shqiptarëve dhe ndaj Kosovës janë: rreth 14.000 civil të vrarë, shumica të masakruar, prej tyre mbi 1400 fëmijë, rreth 50.000 të plagosur, rreth 20.000 femra shqiptare të dhunuara, rreth 240.000 shtëpi dhe objekte të shkatërruara, dëbimi dhe deportimi i dhunshëm i popullsisë civile, rreth një miljon banorë të dëbuar jashtë Kosovës dhe shkatërrimi i dokumenteve të tyre identifikuese, rreth 600 varreza masive, etj… Me këto fakte dëshmohet se Serbia ishte një ndërmarrje shtetërore kriminale, krimet e së cilës nuk mund të falën, të harrohën e as të relativizohën.

    – Kurse, UÇK-ja, fillimisht ishte një grup i të rinjëve që nuk e duruan shtypjën dhe robërinë e shtetit okupues serb. Pastaj, kur ofenzivat dhe dhuna serbe nuk kishin të ndalur, UÇK filloj të rritet në numër dhe kështu ajo e mori edhe obligimin për ta udhëhequr luftën guerile vetëmbrojtëse dhe çlirimtare kundër Serbisë. Duke qenë e tillë ajo e kishte fituar simpatinë dhe përkrahjën e shumicës së shqiptarëve si dhe të shteteve të fuqishme perëndimore. Prandaj, ka ndodhur edhe intervenimi ushtarak i NATO-s, kundër makinerisë vrastare të regjimit diktatorial të shtetit serb, si në Kosovë ashtu edhe në territorin e serbisë, me të vetmin qëllim, për ta ndalur finalizimin e spastrimit etnik dhe të gjenocidit që ushtrohej ndaj popullsisë civile shqiptare dhe për ta penguar një katastrofë humanitare në mes të Europës!

    Pra, si ka mundësi që Prokuroria dhe Gjykata Speciale të merret me krimet e supozuara e të trilluara dhe të përgatitura të Serbisë, kundër UÇK-së, kur dihet se Serbia vetë ka kryer spastrim etnik dhe gjenocid në Kosovë, dhe ajo të mos akuzohet dhe gjykohet për politikën e saj kriminale dhe gjenocidale ndaj shqiptarëve ???

    Andaj, ne si shoqatë dhe si mërgimtarë shqiptarë nuk mundë të besojmë fare në drejtësinë e kësaj Gjykate Speciale, përderisa kjo, procesin gjyqësor e ka filluar dhe po e vazhdon mbi provat, informatat dhe ndihmën që shteti i Serbisë ia ofron dhe siguron asaj për ta akuzuar dhe njollosur UÇK-në dhe luftën çlirimtare të saj.

    – Në fakt, nuk ka dhe nuk mund të ketë askund drejtësi në botë, në një proces të caktuar gjyqësor, ku dhe kur kriminelit i lejohet dhe sigurohet pozita e palës bashkëpunuese për ta akuzuar palën që ka qenë viktimë e po atij krimineli. Në rastet e tilla, thirrja në emër të drejtësisë është thirrje vetëm sa për ta legjitimuar padrejtësinë. Dhe kjo nuk guxon të ndodhë, sepse kjo paraqet një ofendim të rëndë si për sistemin e drejtësisë vendore ashtu edhe për atë ndërkombëtare. Prandaj, ne kërkojmë përfundimin sa ma shpejtë të këtij procesi gjyqësor, si dhe lirimin e të gjithë të akuzuarve, në mungesë të bazës juridike dhe të provave!

    Që kjo të ndodhë, apelojmë për një mobilizim institucional si dhe për unitet politik e kombëtar.

    NimiTV ofron 30% zbritje për Black Friday
    Nga Rubrika
    Lajme29 Mars 2024
    Policia e Kosovës në dy raste të ndara, në tre rajone të ndryshme ka sekuestruar lëndë narkotike të dyshuara për kokainë dhe...
    Lajme29 Mars 2024
    Lidhja Demokratike e Kosovës dhe Lëvizja Vetëvendosje, kanë mendime të ndryshme sa i përket meritave për avancimin e Kosovës drejtë anëtarësimit në...
    Lajme29 Mars 2024
    Deputeti i Lëvizjes Vetëvendosje, Dimal Basha, ka goditur opozitën lidhur me investimet për blerje të sistemeve të armatimit, ku ka thënë se...
    Të tjera
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Kronika29 Mars 2024
    Një burrë ka njoftuar policinë se sipas tij, një i dyshuar, i njohur për ankuesin, dyshohet se ia ka vjedhur vetën e...
    Kronika29 Mars 2024
    Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave....
    Kronika29 Mars 2024
    Një grua ka njoftuar policinë se derisa ka qenë në vendin e saj të punës, ka hyrë një person i dyshuar me...
    Kronika29 Mars 2024
    Është arrestuar një person në Pejë nën dyshimin për përgatitje të veprës penale “vrasje e rëndë”. Sipas raportit policor, i dyshuari me...

    FrontOnline, © 2024 Të gjitha të drejtat e rezervuara.