[wp-story]

Lajme

IPK-ja tregon se a u suspenduan nga puna dy zyrtarët e Policisë së Kosovës  të dyshuar për keqpërdorim

IPK-ja tregon se a u suspenduan nga puna dy zyrtarët e Policisë së Kosovës  të dyshuar për keqpërdorim
13:33 | 21 Prill 2021

Pas rekomandimeve të Inspektoratit Policorë të Kosovës, janë suspenduar nga puna dy zyrtarë policorë, (komandanti i stacionit të Prizrenit me gradën e majorit dhe komandanti i nën stacionit policor të Zhurit me gradën e rreshterit)  pasi që të njëjtit dyshohen për keqpërdorim të detyrës zyrtare.

Lajmin për FrontOnline, e ka konfirmuar zëdhënësi i Inspektoratit Policor të Kosovës, Arbër Beka.

“Po, dy zyrtarët policorë janë suspenduar nga puna, pas rekomandimeve që ka dhënë IPK-ja”, tha shkurt ai.

IPK-ja ka thënë se hetimet për këtë rast kishin filluar kur ky institucion kishte marrë informacione se dy zyrtarë policorë të stacionit të Prizrenit, kishin hyrë pa autorizim në një gjobë për kundërvajtje në trafik.

“Hetimet lidhur me këtë rast kanë filluar ditë më herët ku hetuesit e IPK-së kishin pranuar informacione se dy zyrtarë policorë (komandanti i stacionit të Prizrenit me gradën e majorit dhe komandanti i nën stacionit policor të Zhurit me gradën e rreshterit) kanë ndërhyrë pa autorizim në një gjobë për kundërvajtje në trafik me ç’rast dyshohet se janë ndryshuar neni dhe paragrafi, pastaj është ndryshuar vlera e gjobës. Dyshimet janë se gjatë ndërhyrjes së paautorizuar janë larguar edhe pikët negative të shqiptuara si dhe është revokuar ndalesa për vozitje dhe konfiskimi i patentë shoferit”, thuhet në njoftimin e IPK-së.

“Hetuesit e IPK-së  në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, bëhet e ditur.

“Petrol Company” ul çmimet për 15 %. Ja sa kushton një litër naftë

Të tjera