Instituti “Musine Kokolari” ka realizuar një anketë së fundi, ku sipas rezultateve që kanë marrë konstatojnë se shqiptarët, serbët, romët, goranët, ashkalinjtë, turqit, boshnjakët dhe egjiptianët e Kosovës kanë më shumë gatishmëri për të punuar bashkë sesa të jetojnë pranë njëri-tjetrit.
Kjo tregohet në raportin e tyre “Qëndrimet e komuniteteve në Kosovë rreth jetës dhe punës pranë njëri- tjetrit”, të realizuar së fundi nga Instituti për Politika Sociale Musine Kokalari.
Në këtë anketë me qëllim të hulumtimit të qëndrimeve ndëretnike në Kosovë, studimi i përbërë prej në grupi mostër nga 1065 respondentë, prej të cilëve 815 shqiptarë, 150 serbë, 3 boshnjakë, 14 goranë, 26 turq, 35 ashkalinjë dhe 7 egjiptianë, janë nxjerrur njohuri rreth situatës së tashme të marrëdhënieve ndëretnike në Kosovë dhe identifikuar fushat ku mund të ketë nevojë për më shumë angazhim për të promovuar respektin dhe bashkëpunimin e ndërsjellë.
Instituti nënvijezon që hulumtime të tjera me mostër representative të komuniteteve duhet bërë për ta marrë një pasqyrë më të plotë.
Raporti tregon po ashtu se një pjesë e konsiderueshme e shqiptarëve dhe serbëve në Kosovë nuk do të dëshironin të punonin dhe jetonin me njëri-tjetrin. Tabelat tregojnë se te shqiptarët veçanërisht, por edhe te serbët deri diku, ka një gatitshmëri shumë më të madhe të pjesëtarëve të komuniteteve tjera, si për bashkëpunim po ashtu edhe për bashkëjetesë. Komuniteti rom gjithashtu ka shprehur rezerva ndaj komuniteteve tjera, për shkak të diskriminimit dhe keqtrajtimit me të cilat ballafaqohet.
