Lajme

Inspektorati rikthen në punë sekretarin e Ujësjellësit “Prishtina”, i larguar në qeverisjen “Kurti” (Dokument)

Inspektorati rikthen në punë sekretarin e Ujësjellësit “Prishtina”, i larguar në qeverisjen “Kurti” (Dokument)
11:32 | 02 Korrik 2020

Inspektorati i Punës në Ministrinë e Punës dhe Mirëqenies Sociale ka marrë vendim që ta kthejë Salih Gjonbalajn në pozitën e Sekretarit të Korporatës në KRU “Prishtina”, i shkarkuar nga Bordi i ri i kësaj ndërmarrje i emëruar nga Qeveria “Kurti”, raporton Front Online.

Në vendimin e siguruar nga Front Online, thuhet se largimi i Gjonbalajt është në kundërshtim me dispozitat e Ligjit Nr.03/L-212 të Punës, Neni 70, paragrafi 1.5,1.6.1,1.6.2, paragrafi 2, paragrafi 3, Neni 71, paragrafi2, neni 5.

Sipas vendimit, Inspektorati vendosi pro ankesës së bërë nga Gjonbalaj, pasi të njëjtit i ishte ndërprerë kontrata dhe marrëdhënia e punës në Ujësjellësin “Prishtina” nga Bordi i Përkohshëm.

Në vendimin zyrtarë të Inspektoratit të Punës kërkohet nga Bordi i Drejtorëve që të kthejnë në punë Gjonbalajn.

Në  arsyetimin e vendimit të Inspektoratit të Punës në Ministrinë e Punës dhe Mirëqenies Sociale thuhet se Gjonbalaj i është drejtuar Inspektoratit me datë 01.06.2016,dhe ka kërkuar që ndaj vendimit të Bordit të përkohshëm të KRU “ Prishtina” për ta shkarkuar nga pozita e sekretarit të kësaj ministrie me datë 19.05.2020 të anulohet si i kundërligjshëm dhe të kthehet në pozitën e mëparshme.

Sekretari i Kompanisë Rajonale të Ujësjellësit “Prishtina”, Sali Gjonbalaj është shkarkuar nga pozita e tij më 19 maj të këtij vitit nga Bordi i Ri i emëruar nga Qeveria “Kurti”./Front Online/

 

 

 

 

 

Black Friday –  Eja dhe ndaj emocionet e zbritjes ekstreme në Comodita Home

Të tjera