Infektohen me COVID-19 punonjësit shëndetësorë të Spitalit Amerikan, karantinohen edhe disa mjekë

Një punëtore e Spitalit Amerikan në Prishtinë, ka rezultuar pozitive me COVID-19.Si pasojë e kësaj, disa mjekë të këtij spital, janë detyruar që të karantinohen.Siç mëson Gazeta Blic, personi i prekur me koronavirus, është punonjësi në Spital Amerikan dhe se si pasojë e kontaktit të mundshëm me të prekurën, janë vetëizoluar edhe disa mjekë.

Gazeta Blic, ka kontaktuar me përgjegjës për komunikim me publikun në Spitalin Amerikan, por që nuk kanë dashur të flasin për këtë çështje.Shkurtimisht i kanë thënë gazetës se nuk dinë dhe se nuk mund të japin informacione të tilla.

“Nuk e dijmë, nuk mund të japim informacione të tilla”, thanë nga Spitali Amerikan.

Të dhënat e fundit të IKSHPK konfirmojnë se vetëm gjatë të mërkurës, Kosova është patur 77 raste të reja me COVID-19.Tashmë vendi ynë ka regjistruar gjithsej 1833 raste pozitive më COVID-19, me gjithsej 34 raste të vdekjes të cilët kanë pasur sëmundje të tjera shoqëruese.

Ndërsa sipas Blerim Syla nga Sindikata e Punëtorëve Shëndetësor deri më tani janë 120 punonjës shëndetësorë të prekur me COVID-19, teksa deri në 500 janë të vetizoluar pasi kanë pasur kontakt me pacientë të infektuar.“Deri në këto momente kemi 120 të infektuar. Disa e kanë kaluar ndërkohë në përqindje i bie që kemi deri në 7 për qind. Kur i shtojmë edhe ata që janë të izoluar, janë diku deri në 500 punëtorë shëndetësor”, tha ai.

“Petrol Company” në natën e “Kurban Bajramit” e bën me shtëpi të re familjen nga Skenderaj

Sponsoruar