×
  • Lajme
  • Lajme

    Idriz Seferi-monumenti që mungon

    FrontOnline
    16 Korrik 2020

    Fondacioni që mban emrin e “Idriz Seferit”, e cila drejtohet nga Sabri Kadriu ka paraqitur kërkesën, e miratuar si projekt ideor nga komuna e Kaçanikut, ngritjen e monumentit të Idriz Seferit në Grykën e Kaçanikut, nismë kjo e cila është mbështetur nga Kuvendi komunal i kësaj komune.

    Fondacioni “Idriz Seferi”, nëpërmejt një njoftimi thotë se është duke zhvilluar aktivitetin e tij në mbledhjen e fondeve për të ngritur monumentin e munguar të Idriz Seferit në Grykën e Kaçanikut.

    “Në Grykën e Kaçanikut mungon një monument. Ka ardhur koha t’i shlyejmë borxhin historisë. Skalitja në shkëmb në Grykën e Kaçanikut Monumentet e një vendi janë kujtesa historike e tij. Çdo vend përmban në brendinë e tij një histori. E takojmë historinë përmes monumenteve dhe ndërgjegjësohemi për çka trashëguam nga figurat e gdhendura në to. Vetëm duke njohur historikun e trashëgimisë mund t’i çmojmë vlerat e saj dhe t’i trashëgojmë këto vlera tek brezat që do të vijnë. Monumentet ngrihen për të përjetësuar kujtimin e ngjarjeve historike në një vend apo të një figure të shquar që ka pasur ndikim në zhvillimin e vendit. Nuk ka rëndësi përmasa e një monumenti sa ka rëndësi ekzistenca e këtij të fundit. Në shoqërinë tonë ka monumente që ekzistojnë sikundër ka edhe monumente që mungojnë. Një prej monumenteve që mungojnë është edhe monumenti i Idriz Seferit në grykën e Kaçanikut. Ç’domethënie mbart figura e Idriz Seferit? Figura e Idriz Seferit mbart mbi vete simbolin e bashkimit të trojeve shqiptare. Të dhënat historike dëftejnë se ai lindi në vitin 1847 në fshatin Sefer të krahinës së Karadakut dhe vdiq në 25 mars të vitit 1927. U rrit në një familje me tradita patriotike dhe ishte udhëheqës ushtarak popullor i Lëvizjes Kombëtare. Që në moshë të re mori pjesë në qëndresën popullore kundër shtypjes ekonomike e kombëtare që sollën reformat e Tanzimatit. Më 1875 u burgos nga autoritetet osmane. Mori pjesë në kuvendet e në veprimet luftarake të Lidhjes Shqiptare të Prizrenit dhe të asaj të Pejës. Ishte një nga udhëheqësit kryesorë të kryengritjes së Kosovës të 1916 dhe u shqua për aftësitë luftarake, si strateg popullor në betejën e Kaçanikut, si edhe në betejat e Karadakut (Drenogllavës) e të Moraves. U dallua si një ndër udhëheqësit kryesorë edhe në Kryengritjen e përgjithshme antiosmane të 1912 në Kosovë, mori pjesë në çlirimin e Shkupit, Kumanovës, Gjilanit, Preshevës e Ferizajt. Në tetor 1912 në krye të mijëra luftëtarëve shqiptarë luftoi kundër pushtuesve serbornëdhenj në rajonet e Bujanovcit, Gollakut, Llapit e Kumanovës, ku i shkaktoi humbje të ndjeshme armikut. Udhëhoqi çetat kosovare në luftë kundër zgjedhës serbomadhe në, vitet 1913-1915 dhe kundër pushtuesve bullgarë në vitet 1916-1918. Vazhdoi luftën për çlirimin kombëtar të Kosovës e të viseve të tjera shqiptare në Jugosllavi deri në fund të jetës së tij. Emri i Idriz Seferit është një monument në vetvete dhe gryka e Kaçanikut është një nga hapësirat historike që përfaqëson ky emër”, thuhet në njoftimin e fondacionit.

    Fondacioni që mban emrin e “Idriz Seferit” e cila drejtohet nga Prof. Sabri Kadriu ka paraqitur kërkesën, e miratuar si projekt ideor, nga komuna e Kaçanikut, ngritjen e monumentit të Idriz Seferit në Grykën e Kaçanikut.

    Kuvendi komunal ka shprehur mbështetjen e tij për këtë nismë. Fondacioni “Idriz Seferi” është duke zhvilluar aktivitetin e tij në mbledhjen e fondeve për të ngritur monumentin e munguar të Idriz Seferit në Grykën e Kaçanikut.

    Black Friday –  Eja dhe ndaj emocionet e zbritjes ekstreme në Comodita Home
    Nga Rubrika
    Lajme28 Mars 2024
    Derisa në foltoren e Kuvendit të Kosovës po fliste deputetja e LDK-së, Doarsa Kica-Xhelili, për themelimin e një komisioni hetimor për kontratat...
    Lajme28 Mars 2024
    Deputetja e LDK-së, Hykmete Bajrami i ka reaguar kryeministrit Albin Kurti lidhur me statistikat që ai ka publikuar sa i përket zhvillimit...
    Lajme28 Mars 2024
    Deputeti nga radhët e PDK-së, Ardian Kastrati është shprehur se ka me qindra kontrata një burimore ku qeveria ka vjedhur miliona, raporton...
    Të tjera
    Lajme28 Mars 2024
    Deputeti i Lëvizjes Vetëvendosje, Adnan Rrustemi, gjatë seancës së jashtëzakonshme që po mbahet në Kuvend ku po flitet për kontratat njëburimore për...
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Lajme28 Mars 2024
    Deputetja e PDK-së, Blerta Deliu-Kodra, ka thënë se kontratat njëburimore janë bërë standard i përditshëm i qeverisë Kurti. Në seancën ku po...
    Lajme28 Mars 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar Betejëb e Pozharit e cila kishte thyer keq armikun. Haradinaj...
    Lajme28 Mars 2024
    Shefi i Grupit Parlamentar të Partisë Demokratike të Kosovës, Abelard Tahiri, në seancën e Kuvendit të Kosovës, ka folur për kontratat njëburimore....
    Lajme28 Mars 2024
    Kryetari i Aleancës për Ardhmërinë e Kosovës, Ramush Haradinaj ka thënë se sa i përket kërcënimeve të  paralajmëruara në veri, çdoherë ekziston...

    FrontOnline, © 2024 Të gjitha të drejtat e rezervuara.