Hadi Matar, sulmuesi i dyshuar i Salman Rushdie, tha se u befasua kur mësoi se shkrimtari i famshëm i mbijetoi sulmit, raporton AP.
Në një intervistë me gazetën amerikane New York Post nga burgu, Matar (24) tha se ai “lexoi disa faqe” të romanit të Rushdie “Vargjet Satanike” dhe se ai mori idenë për sulmin pasi pa një njoftim në Twitter se autori do të ishte i ftuar në Institutin Chautauqua në shtetin amerikan të Nju Jorkut.
“Nuk më pëlqeu ai person, nuk mendoj se është i mirë. Ai është dikush që sulmoi Islamin, sulmoi besimet dhe sistemin e tij fetar”, ka theksuar Hadi Matar./FrontOnline/
