Zyrtari i Ministrisë së Financave Labinot Gruda, i dyshuar për transferimin e mbi 2 milionë eurove nga kjo ministri, pritet që gjatë ditës së sotme të dalë para Gjykatës Themelore në Prishtinë.
Lajmin për Front Online e ka bërë të ditur zëdhënësja e Gjykatës Themelore, Mirlinda Gashi.
“Sot do të del para gjykatës i dyshuari në orë 11:00. Nuk e di nëse do të jetë i hapur për media gjykimi”, deklaroi ajo.
Ministrja e Financave, Hykmete Bajrami, dje në një konferencë për media deklaroi se transferi i parave është kryer përmes sistemit elektronik.
Bajrami madje tha se kjo shumë e parave është e sigurt në Bankën Qendrore të Kosovës.