Kronika

Hyseni takohet me përfaqësues nga Demokracia Plus

Hyseni takohet me përfaqësues nga Demokracia Plus
12:55 | 03 Shtator 2020

Kryetari i Gjykatës Themelore në Ferizaj, Bashkim Hyseni, ka pritur sot në takim përfaqësues nga Demokracia Plus.

Në këtë takim është diskutuar për bashkëpunimin dhe mundësinë e thellimit të këtij bashkëpunimi, si dhe rekomandimet e dala nga studimi me përdorues të shërbimeve të gjykatave, i cili studim do të shërbej si matës i nivelit të implementimit të këtyre rekomandimeve.

Me këtë rast, kryetari Hyseni falënderoj përfaqësuesit e kësaj organizate për angazhimin e tyre në përmirësimin e cilësisë së shërbimeve në Gjykatë, ndërsa gjatë takimit në fokus të veçantë u diskutuan rekomandimet për përmirësimin e shërbimeve që ofron gjykata të dala nga këto raportet të realizuara nga Demokracia Plus, të cilat u mirëpritën nga kryetari Hyseni, i cili me këtë rast i njoftoi të pranishmit se disa prej këtyre rekomandimeve të listuara janë duke u zbatuar ose janë në proces të zbatimit, ndërsa të tjerat do të zbatohen tutje.

Ndryshe, Demokracia Plus me mbështetjen e USAID / Programi për Fuqizimin e Sistemit të Drejtësisë, është një organizatë që ka bashkëpunim me Gjykatën Themelore në Ferizaj, duke përgatitur anketa me qytetarët për të matur transparencën, efikasitetin dhe llogaridhënien në sistemin e drejtësisë në vend.

 

Kush ështe kosovari THE VICTOR që synon tregun e jashtëm? (video)

Të tjera