[wp-story]

Lajme

Hyseni ngul këmbë se s’do të ketë marrëveshje për pika të veçanta pa marrëveshje gjithëpërfshirëse

Hyseni ngul këmbë se s’do të ketë marrëveshje për pika të veçanta pa marrëveshje gjithëpërfshirëse
17:33 | 23 Korrik 2020

Koordinatori shtetëror Skënder Hyseni, pas takimit me drejtorin e Zyrës për Kosovën në Qeverinë e Serbisë, Marko Gjuriq, ka thënë se ka pajtim rreth elementeve të caktuara.

Ai tutje ka shtuar se nuk pret që ky proces të jetë i lehtë, por thotë se do ta ketë dinamikën e duhur duke potencuar se nuk mund ta zvarrisin paskajshëm.

Hyseni ka thënë se nuk do të ketë marrëveshje për pika të caktuara nëse nuk do të ketë marrëveshje gjithëpërfshirëse.

“Unë thash që diskutimi ka qenë konstruktiv, nëse flasim për element specifik të një marrëveshjeje gjithëpërfshirëse, do të na mirëkuptoni nëse nuk jap detaje sepse nuk do të ketë marrëveshje separate për asnjë temë, përderisa nuk do të ketë marrëveshje gjithëpërfshirëse”, ka thënë ai.

Ai ka shtuar se do të marrin një periudhë kohore për të trajtuar elementet e veçanta, ose kapitujt të një marrëveshje gjithëpërfshirëse.

“Nuk ka marrëveshje për kapitujt të veçantë përderisa nuk do të ketë marrëveshje gjithëpërfshirëse. Nëse flasim për një marrëveshje gjithëpërfshirëse ligjërisht të obligueshme atëherë ne flasim për element të caktuar të një marrëveshje. Elementet e caktuara nuk janë kapituj takstativ por janë kapituj të një marrëveshje të përgjithshme, ndërkaq çdo tjetër mbetet subjekt i një marrëveshje gjithëpërfshirëse”, ka thënë ai.

Hyseni ka thënë se çdo e arritur në këtë proces që mund të zbatohet, do të ndodhë, por ky është një moment i ri, po flasim për një përmbyllje, prandaj ky proces është skajshmërisht politike, nuk ka asgjë teknike.

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera