Kronika

Hyri në provim në vend të dikujt tjetër, arrestohet i dyshuari në Prishtinë

Hyri në provim në vend të dikujt tjetër, arrestohet i dyshuari në Prishtinë
10:49 | 17 Qershor 2021

Një ekzaminer në provimet për patentë shofer ka vërejtur se një person është prezantuar në vend të dikujt tjetër, për të iu nënshtruar provimit.

Rasti ka ndodhur mesditën e së mërkurës në stacionin e autobusëve në Prishtinë, ku mbahet provimi për patentë shofer.

Policia në raportin 24 orësh ka bërë të ditur se i dyshuari është intervistuar dhe ka deklaruar se ka bërë marrëveshje pa kompensim, me personin në vend të të cilit ka hyrë në provim.

“Stacioni i autobusëve, Prishtinë 16.06.2021 – 13:40. Ankuesi mashkull kosovar ekzaminer në provimet për patentë shofer ka raportuar se deri sa ka ftuar aplikuesit për të hyrë në sallë ku mbahet provimi për patentë shofer, kishte vërejtur se i dyshuari mashkull kosovar ishte prezantuar në vend të një personi tjetër i cili duhej që t’i nënshtrohej provimit. I dyshuari është intervistuar dhe i njëjti ka deklaruar se kishte bërë marrëveshje me dëshmitarin që të paraqitet në vend të tij për test pa kurrfarë kompensimi”, bëhet e ditur në raportin e policisë.

Po ashtu është bërë e ditur se me urdhër të prokurorit, rasti shkon në procedurë të rregullt.

“Lidhur me rastin është intervistuar edhe dëshmitari mashkull kosovar. Me urdhër të prokurorit kujdestar, rasti procedohet në procedurë të rregullt”, ka njoftuar policia.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera