Java e nëntë në Superligën e Kosovës do të vazhdojë këtë fundjavë me shumë sfida interesante.
Sot luhen tri ndeshje, teksa të dielën dy sosh, shkruan FrontOnline.
Tri ndeshjet që luhen sot janë Drita – Drenica, Llapi – Malisheva dhe Dukagjini – Ferizaj. Kurse, të dielën luhen dy ndeshjet Prishtina – Trepça ’89 dhe kryendeshja Ballkani – Gjilani.
Java e nëntë në Superligën e Kosovës nis sot me tri super-ndeshje
Pesë ndeshjet në fjalë nisin nga ora 13:00.
Por, befasisht, faqja zyrtare e Federatës e Futbollit e Kosovës ka njoftuar gabimisht për ndeshjet e kësaj xhiro.
Siç shihet në faqen e FFK-së, sot luhet derbi Ballkani – Gjilani, i cili në fakt luhet nesër (e diele).
Poashtu, FFK-ja njofton se ndeshja Dukagjini – Ferizaj luhet nesër, por në fakt luhet sot (e shtune).
Përpos kësaj, orari i zhvillimit të ndeshjeve është shkruar nga ora 15:00, kurse në fakt është nga ora 13:00./FrontOnline/