Lajme

Humbi gjithë familjen në luftë, Qerkezi: Pa bisedime nuk mund të bëhet asgjë

Humbi gjithë familjen në luftë, Qerkezi: Pa bisedime nuk mund të bëhet asgjë
20:34 | 16 Qershor 2021

Ferdonije Qerkezi, heroina e luftës së Kosovës nga qyteti i Gjakovës, e cila humbi burrin dhe katër djemtë e saj nga forcat serbe, më 1999-ën ka mirëpritur rifillimin e bisedimeve ku temë e mundshme mund të jenë edhe çështja e të pagjeturve.

“Pa bisedime asgjë nuk mund të bëhet. Me bisedime mund të bëhet diçka”, deklaroi për RTV Dukagjinin, nëna nga Gjakova.

Zonja Qerkezi pret nga qeveria e re të bëjë më shumë për fatin e pagjeturve duke mos e mohuar edhe kontributin e qeverive paraprake.

Djali i madh dhe i vogël i nënës nga Gjakova janë gjetur, derisa bashkëshorti dhe dy djem tjerë ende nuk janë gjetur.

“Shpresoj se një ditë do të gjendet edhe bashkëshorti dhe dy djemtë tjerë dhe djemtë e të gjitha nënave të Kosovës”, është shprehur tutje Ferdonija.

Qerkezi thotë se shtëpia aktuale do të bëhet muze për t’iu treguar brezave atë çfarë ka bërë Serbia në Kosovë.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera