Huawei është bërë zyrtarisht një prodhues makinash pasi prezantoi një model elektrik të zhvilluar me grupin BAIC në Shanghai Motor Show. Makina e quajtur Arcfox Alpha S është një model tërësisht elektrik që përmban harduerin dhe softuerin Huawei, ndërsa BAIC ishte përgjegjës për gjithçka për sa i përket prodhimit.

Huawei dhe BAIC do të ofrojnë dy modele të ndryshme, përkatësisht Alpha S dhe Alpha S HI, secili prej tyre do të ketë një konfigurim bazë dhe më të përparuar. Kjo do të thotë që klientët do të jenë në gjendje të porosisin katër versione të makinës së Huawei.

Arcfox Alpha S është “i ngarkuar” me teknologji dhe përmban procesorin Kirin 990A të Huawei që mundëson mbështetjen 5G dhe përdorimin e sistemit operativ HarmonyOS, sistemit operativ të Huawei që fillimisht supozohej të shërbente si një zëvendësim për Android, por më vonë u shndërrua në një platformë të plotë për pothuajse çdo gjë e produkteve Huawei.

Një nga qëllimet është sinkronizimi midis makinës dhe smartphone-it në mënyrë që Harmony OS të lejojë një komunikim të lehtë, dhe brenda makinës është një ekran i madh i montuar në panelin e kontrollit. Ky ekran u lejon pasagjerëve të kontrollojnë pothuajse gjithçka në makinë, nga informacioni dhe argëtimi te mundësia e ngasjes autonome. Sigurisht, komandat zanore janë gjithashtu të mundshme, por makina gjithashtu mbështet komandat e lëvizjes në mënyrë që ndërveprimi të jetë i mundur pa prekje. Makina vjen me një bateri 93.5 kWh që është e mjaftueshme për të siguruar një distancë prej më shumë se 700 km.

Karikimi i shpejtë është gjithashtu mbresëlënës, kështu që dhjetë minuta karikim janë të mjaftueshme për të ecur 197 km. Bateria vjen me kontroll të mençur të temperaturës, në mënyrë që karikimi të mos lejojë mbinxehje. Karikimi pa tel është gjithashtu i disponueshëm, por kërkon më shumë kohë. Modaliteti i drejtimit automatik përdor hartat e siguruara nga Huawei dhe aktualisht është i disponueshëm dhe funksional në disa qytete kineze duke përfshirë Pekinin, Shangait dhe Shenzhen. Shitjet fillojnë më vonë këtë vit me një çmim prej 38,700 $ për bazën, ose 66,000 $ për versionin më të mirë./FrontOnline/