Ish-ministri i jashtëm, Enver Hoxhaj ka dënuar ashpër sulmin ndaj konsullatës së Kosovës në Kopenhagë.
Deputeti i Partisë Demokratike të Kosovës (PDK), Enver Hoxhaj, përmes një postimi në rrjetin social Twitter, ka thënë se vandalizmi ndaj Konsullatës së Kosovës në Kopenhagë është i mbështetur dhe frymëzuar nga shteti serb.
“Vandalizmi kundër konsullatës së Kosovës në Kopenhagë është mbështetur dhe frymëzuar nga shteti i Serbisë, i cili edhe sot e kësaj dite mbetet shoveniste ndaj vendit tonë dhe popullit tonë”, ka shkruar Hoxhaj.
