×
  • Lajme
  • Lajme

    Hoti: Vizita e Lajçakut, përpjekje e BE-së për të marrë primatin e dialogut Kosovë-Serbi

    FrontOnline
    13 Tetor 2020

    Sot në Prishtinë po qëndron i dërguar i Posaçëm i BE-së për dialogun ndërmjet Kosovës dhe Serbisë, Miroslav Lajçak, ku pritet të takohet fillimisht me kryeministrin Avdullah Hoti, kryeparlamentaren Vjosa Osmani si dhe me krerët e partive politike në vend.

    Kjo vizitë e tij vjen pas takimit me presidentin Hashim Thaçi në Bruksel, dhe raportimit të tij para Ministrave të Jashtëm të vendeve anëtare të Bashkimit Evropian.

    Profesori Universitar, Afrim Hoti, në një prononcim për Front Online është shprehur se kjo vizitë e tij po tregon vendosmërinë e dhe seriozitetin e BE-së që dialogu Kosovë-Serbi të vihet në binarë.

    “Është përpjekje për me e vu në binarë për me e vu në binarë dialogun Serbi-Kosovë, dhe seriozitet nga ana e Bashkimit Evropian për me i dhënë epilog këtij procesi kogja  të komplikuar. Nuk kam informacione për agjendën se për çka do të diskutohet por vizita të tilla tregojnë për një vendosmëri dhe seriozitet nga BE-ja për të marr primatin dhe udhëheqjen e dialogut”, ka thënë ai për Front Online.

    Më 2 shtaton Uashington u nënshkrua Marrëveshja për normalizim ekonomik në mes të Kosovës dhe Serbisë, dhe pse sipas Hotit BE-ja tani dëshiron të tregoj veten se është aktori kryesor në këtë proces.

    “Gjithsesi që ShBA-ja ka bërë hap gjigant me nënshkrimin e Marrëveshjes së 4 shtatorit, tash edhe BE-ja dëshiron me marr rolin e vet, sepse në fund të fundit në kuptimin formal BE-ja është aktori kryesorë që ndërmjetëson me dialogun”, ka thënë Hoti për Front Online.

    Ai më tutje shtoi se pas raportimit të Lajçakut para ministrave të jashtëm të BE-së u konfirmua mbështetja ndaj ti, dhe ka kthej shpresën për një marrëveshje finale të shpejtë.

    “Si duhet takimi i ministrave të jashtëm të Bashkimit Evropian të mbajtur dit më parë ka konfirmuar mbështetje të fortë për zotin Lajçak, dhe me shpresën që ky proces do të përshpejtohet  dhe Marrëveshja Finale do të arrihet sa më shpejt që është e mundur”, është shprehur Hoti.

    “Marrëveshja për Asociacionin duhet të rinegociohet”

    Kurse sa i përket Marrëveshjes për Asociacionin e Komunave me shumicë serbe, profesori Afrim Hoti ka thënë se marrëveshjet e nënshkruara duhet të zbatohen ose të kërkohet që kjo marrëveshje të rinegociohet, pas vërejtjeve nga Gjykata Kushtetuese.

    “Këtu nuk ka jemi të kënaqur, s’jemi të kënaqur, obligimet juridike ndërkombëtare duhet të zbatohen. Ne duhet të kemi një përgjigje, ose ta zbatojmë të i kryejmë obligimet  tona juridike, ndërkombëtare që i kemi marrë me nënshkrim, ose të e njoftojmë Bashkimin Evropian se kjo marrëveshje nuk është në fuqi dhe ne duhet ta ri negociojmë të njëjtën”, ka thënë Hoti për Front Online.

    Gjykata Kushtetuese e Republikës së Kosovës, bëri të ditur se disa pjesë të marrëveshjes së fundit për krijimin e Asociacionit të Komunave me shumicë Serbe (AKS) e nënshkruar më 25 gusht të vitit 2015  nuk janë në pajtim me Kushtetutën e Kosovës.

    Në vendimin e saj Gjykata Kushtetuese ka sqaruar se Asociacioni i Komunave me shumicë Serbe duhet të themelohet ashtu siç është parashikuar në marrëveshjen e parë të nënshkruar ndërmjet Kosovës dhe Serbisë më 19 prill të vitit 2013, marrëveshje kjo që shënoi fillimin e normalizimit të marrëdhënieve ndërmjet Kosovës dhe Serbisë./Front Online/

    Përfito FALAS një pushim për çift në Budva
    Nga Rubrika
    Lajme28 Mars 2024
    Nënkryetarja e Partisë Demokratike të Kosovës, Vlora Çitaku ka thënë se ndjehet krenare për partinë e saj e cila zgjodhi Besianë Musmuratin...
    Lajme28 Mars 2024
    Nëse Dritan Abazoviq do të ishte ende kryeministër, Mali i Zi nuk do të votonte kundër anëtarësimit të Kosovës në Këshillin e...
    Lajme28 Mars 2024
    Shefi i Grupit Parlamentar të PDK’së, Abelard Tahiri, në “Frontal” të T7 ka folur për dështimin e themelimit të Komisionit hetimor parlamentar...
    Të tjera
    Lajme28 Mars 2024
    Kryetari i komunës së Drenasit, Ramiz Lladrovci, ka postuar fjalimin që ai ka mbajtur sot në mbledhjen e Këshillit të Drejtues të...
    Lajme28 Mars 2024
    Rusia është vënë në përpjekje për një seancë të Këshillit të Sigurimit të Kombeve të Bashkuara, ku do të diskutohej rreth fushatës...
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Lajme28 Mars 2024
    Një person është therur rreth orës 7:30 të mëngjesit të enjten në Istog. Policia ka dalë në vendngjarje menjëherë dhe të lënduarin...
    Lajme28 Mars 2024
    Zëvendëskryeministri dhe ministri i Zhvillimit Ekonomik në Mal të Zi, Nik Gjeloshaj, tha se qëndrimi i Qeverisë është i qartë për qëndrimin...
    Lajme28 Mars 2024
    Kryeministri Albin Kurti bëri homazhe te familjet Bogujevci, Duriqi dhe Llugaliu në Podujevë dhe më pas shkoi në fshatin Izbicë të Skenderajt...

    FrontOnline, © 2024 Të gjitha të drejtat e rezervuara.