Hoti takohet me ambasadoren e Finlandës, flasin për pandeminë e dialogun

Kryeministri Avdullah Hoti është takuar sot me Ambasadoren e Finlandës në Kosovë, Pia Stjernvall, raporton Gazeta Express.

Në takim, sipas njoftimit për media, është diskutuar për gjendjen aktuale në menaxhimin dhe parandalimin e pandemisë.

“Gjatë takimit u diskutua mbi gjendjen aktuale në menaxhimin dhe parandalimin e pandemisë me COVID-19 si dhe masat që po i ndërmerr Qeveria me qëllim rimëkëmbjen e ekonomisë në vend, dialogun Kosovë-Serbi, që nënkupton njohjen reciproke mes dy vendeve, forcimin e sundimit të rendit dhe ligjit dhe procese të tjera të rëndësishme për shtetin e Kosovës”, shkruhet në komunikatë.

Hoti, sipas njoftimit, ka theksuar se Finlanda në vazhdimësi e ka ndihmuar Kosovën në programe të caktuara që kanë pasur rëndësi të veçantë për jetën e qytetarëve dhe për këtë u jemi shumë mirënjohës, duke shtuar se marrëdhëniet e Kosovës me Finlandën kanë qenë gjithmonë miqësore.

“Ambasadorja Stjernvall shprehu gatishmërinë e Finlandës për t’i ofruar ndihmë shtetit të Kosovës në ngritjen dhe përgatitjen e kapaciteteve për arritjen e objektivave të saj”, bëhet e ditur.

Banorja e 13-të e BBVK rrëfen ngjarjen e frikshme që i ka ndodhur

Sponsoruar