Lajme

Hoti rikthen sekretarët e ministrive të shkarkuar nga Kurti

Hoti rikthen sekretarët e ministrive të shkarkuar nga Kurti
16:01 | 22 Qershor 2020

Në mbledhjen e fundit, Qeveria e Kosovës sot është marrë vendim për themelimin e Komisionit Ekzekutiv për luftimin, monitorimin dhe reagimin ndaj pandemisë COVID-19.

Kryeministri Avdullah Hoti theksoi se ky komision është themeluar me qëllim që të informojë kryeministrin dhe ministrin e Shëndetësisë për aktivitetet e luftimit të pandemisë. Hoti ka paraqitur edhe përbërjen e këtij Komisioni, me profesionistë shëndetësorë.

Në këtë mbledhje është bërë edhe themelimi i Komiteti për Partneritet Publiko-Privat.

Po ashtu në mbledhjen e qeverisë është marrë vendim për ricaktimin Burim Rrecit si sekretar i përgjithshëm në Ministrinë e Tregtisë dhe Industrisë.

Vendim është marrë edhe për Izedin Bytyqi për ricaktim si sekretar të përgjithshëm në Ministrinë e Infrastrukturës.

Pas propozimit të ministrit të Infrastrukturës, Arban Abrashi, qeveria mori vendim për emërimin e drejtorit të përgjithshëm të Autoritetit të Aviacionit Civil të Kosovës, Bujar Ejupi.

Me propozim të ministrit të MPB-së Agim Veliu, qeveria në mbledhjen e saj mori vendim që Lulëzim Ejupi të ricaktohet sekretar i përgjithshëm i Ministrisë së Punëve të Brendshme.

Ndërsa, me propozim të ministrit të Punës dhe Mirëqenies Sociale, Skender Reçica, qeveria mori vendim që Ekrem Kastrati të emërohet Kryeinspektor i Punës në Ministrinë e Punës dhe Mirëqenies Sociale.

Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër

Të tjera