Deputeti i LDK-së, Avdullah Hoti, ka reaguar pasi para pak minutash në Kuvend është miratuar ligji për sigurimet shëndetësore.
Nëpërmjet një postimi në Facebook, Hoti thotë se ky ligj “kaloi brenda një dite, në fund të mandatit.
“Katër vjet e lanë vendin pa sigurime shëndetësore. Në fund të mandatit, brenda një dite, miratuan ligjin për sigurimet shëndetësore në të dy shqyrtimet, i cili është pothuajse identik me ligjin ekzistues në çdo nen”, ka shkruar deputeti.
