×
  • Lajme
  • Front TV
  • Front TV

    Hoti: Pas marrëveshjes në SHBA, Kosova do jetë epiqendër ekonomike si në kohën e ilirëve

    FrontOnline
    17 Shtator 2020

    Kuvendi i Kosovës është duke mbajtur seancë plenare në të cilën është duke raportuar kryeministri i vendit Avdullah Hoti lidhur me dialogun me Serbinë. Para deputetëve Hoti e nisi raportimin me parimet e dialogut që sipas tij i ka Qeveria e Kosovës, shkruan Front Online.

    “Qeveria e Kosovës udhërrëfyes për dialogun, e ka platformën e parimeve dhe objektivave. Integriteti territorial është i panegociueshëm. Marrëveshja duhet të jetë plotësisht në përputhje me Kushtetutën e Kosovës. Mbi këto parime po e zhvillojmë procesin e dialogut. Ne besojm që respektimi i këtyre parimeve na udhëheq në një proces të strukturuar të dialogut. Marrëveshja duhet të rezultojë në njohje reciproke. Marrëveshja duhet të përmbajë elemente që shfuqizojnë rezolutën 1244”, ka thënë ai.

    Tutje, kryeministri Hoti ka folur edhe për takimin me presidentin francez, Emanuel Macron, dhe kancelaren gjermane, Angela Merkel.

    “Në Samitin e Parisit është thënë se dialogu është çështje javësh apo muajsh, dhe se ky proces është i kufizuar në kohë. Në takimin më 16 korrik në Bruksel ka nisur fillimi i draftimit të marrëveshjes finale të njohjes reciproke. Pala serbe ka kërkuar që në dialog të shtrohet edhe çështja e të zhvendosurve”, tha ndër të tjera ai.

    Kryeministri raportimin e tij e vazhdoi me marrëveshjen e 4 shtatorit në SHBA, për të cilën tha se është meritë e Kosovës që Amerika ka marrë rol aktiv në këtë proces.

    “Unë besoj që qasja serioze e qeverisë në këtë proces ka ndikuar që SHBA-të të marrin rol aktiv. Ne jemi ftuar në Shtëpinë e Bardhë për normalizim të raporteve ekonomike. Kjo marrëveshje i ka 16 pika, prej të cilave janë edhe projektet e mëdha infrastrukturore. Vlerësoj që ky është momentum i ri i marrëdhënieve BE-SHBA sa i përket dialogut Kosovë-Serbi. Vetvetiu ky momentum nuk do të kishte treguar rezultat pa përkushtimin. Pas lëndimit shumë të rëndë të raporteve që kanë ndodhur viteve të fundit. Ishte dëmtuar edhe besimi i ndërsjellë me qeverinë e vendit. I kemi koordinuar vendimet tona me partnerët. E kemi bërë të qarë, se nuk do të barrikadohemi, nuk do të gjejmë arsye për t’u barrikadu”, ka deklaruar Hoti.

    Madje, Hoti pati një krahasim interesant, duke thënë se me anë të kësaj marrëveshje, Kosova kthehet në epiqendër të aktivitetit ekonomik si në kohën e “Dardanëve” , fisi ilir që shtrihej në pjesën e Kosovës.

    “Kjo marrëveshje është hap i madh drejt normalizimit të raporteve. Sjellja e gazit në Kosovë do të jetë infusion. Kosova do të kthehet në epiqendër të aktivitetit ekonomik infrastrukturor. Këtë rol qëndror Kosova e ka pasur në historinë e lashtë dardane. Këtë, Kosovës po ia sigurojnë miqtë e saj”, tha ai, përcjell Front Online.

    Po ashtu, Hoti ka thënë se qëndrimi kryesor i qeverisë është se nuk ka diskutime në këtë proces të dialogut, për Asociacionin.

    “Më 7 shtator është hapur tema e Asociacionit dhe e obligimeve financiare. Qëndrimi i qeverisë është se tema e Asociacionit nuk hapet në dialog, pasi që kjo marrëveshje është arritur më 2013”, tha ai.

    Hoti ndonëse nuk përmendi emra, por dukej qartë që iu drejtua Albin Kurtit, tha se, pavarësisht se e quajtën si marrëveshje të rrezikshme, dy ditë më parë e çan në qiell njohjen nga Izraeli.

    “Ata që e cilësojnë si marrëveshje të rrezikshme e çojnë në qiell njohjen e Izraelit para dy ditësh. Si mund të jetë e dëmshme kjo marrëveshje e cila u nënshkrua nga ata që e sponsorizuan pavarësinë e Kosovës. Si mund të jetë e rrezikshme kjo marrëveshje e cila i sjell 1 milionë dollar Kosovës….”, deklaroi Hoti./Front Online.

     

    https://www.facebook.com/FrontOnlineMedia/videos/1064806557272533/

    Maca e zezë sjell super çmime ne Petrol Company!
    Nga Rubrika
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...
    Lajme29 Mars 2024
    Brukseli po kërkon nga Kosova dhe Serbia që të lëvizin me zbatimin e pikave të marrëveshjes të pavarura nga njëra-tjetra. Zëdhënësi i...
    Të tjera
    Lajme29 Mars 2024
    Ministri i Mbrojtjes, Ejup Maqedonci, ka pritur në takim homologun e tij italian, Guido Crosetton, i cili është duke qëndruar për vizitë...
    Vip29 Mars 2024
    Sipas një video që po qarkullon në rrjet, reperi Sin Boy është sulmuar brutalisht nga disa persona të maskuar. Sin Boy ishte...
    Lajme29 Mars 2024
    Aleanca për Ardhëmrinë e Kosovës, gjegjësisht Besnik Tahiri ka thënë pas mbledhjes së Kryesisë së Kuvendit se Kurti tashmë është dorëzuar dhe...
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...

    FrontOnline, © 2024 Të gjitha të drejtat e rezervuara.