[wp-story]

Ekonomi

Hoti: Pakoja e re e rimëkëmbjes ekonomike do jetë 222 milionë euro

Hoti: Pakoja e re e rimëkëmbjes ekonomike do jetë 222 milionë euro
19:00 | 09 Janar 2021

Kryeministri në detyrë Avdullah Hoti ka takuar përfaqësuesit e bizneseve në komunën e Prizrenit, për të diskutuar për planet e Qeverisë rreth zhvillimit ekonomik.

“Sot kishim një takim me komunitetin e bizneseve, bashkë me disa prej ministrave për të diskutuar përmbylljen e vitit 2020, pakon tonë të rimëkëmbjes ekonomike për vitin 2020, dhe planet që kemi tani për vitin 2021, për të marrë edhe komente dhe sugjerime të bizneseve”, ka thënë ai.

Sipas tij, viti 2020 ishte vit i vështirë, por që kanë arritur të zbutin gjendjen me pakon ekonomike dhe Ligjin për Rimëkëmbje ekonomike.

“Ka qenë një vit i vështirë, kemi dizajnua një pako të rimëkëmbjes ekonomike që me terma relativ është bukur e madhe, në vlerë prej 360 milionë, dhe plus ligji për rimëkëmbje ekonomike që mobilizon qindra miliona euro direkte edhe indirekt. Tash po fillojmë edhe një start të ri, kemi një pako tjetër të rimëkëmbjes ekonomike, prej 222 milionë euro. Morëm propozime të mira nga bizneset, dhe i propozuam gjithashtu idetë tona për politikat ekonomike gjatë vitit 2021”, ka theksuar ai.

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera