Kryeministri i vendit Avdullah Hoti është deklaruar për takimin e nesërm që pritet të mbahet në Bruksel për vazhdimin e dialogut me Serbinë, raporton Front Online.
Ai tha se në këtë takim do të diskutohet për çështje ekonomike.

“Kemi një dakordim të përgjithshëm edhe me partnerët e koalicionit dhe me raportimin që e kam bërë në Kuvend, që dialogun e bëjmë për njohje reciproke dhe normalizim të marrëdhënieve. Diskutimet që bëhen nesër në Bruksel janë pjesë e bisedimeve për njohje. Kemi diskutuar për çështjen e të pagjeturve. Nesër do të diskutohen çështjet për zhvillim ekonomik”, ka thënë Hoti. /Front Online.