×
  • Lajme
  • Lajme

    Hoti: Me LDK-në do të hiqen vizat dhe do të integrohet vendi në BE

    FrontOnline
    09 Shkurt 2021

    Hoti: LDK do ta integrojë vendin në BE dhe do t’i liberalizojë vizat

    Kandidati për kryeministër të Kosovës nga radhët e Lidhjes Demokratike të Kosovës, Avdullah Hoti ka mbajtur tubim elektoral në Rahovec ku ka kërkuar votën e qytetarëve të kësaj komune në zgjedhjet e 14 shkurtit. Nga aty Hoti kërkoi nga qytetarët që mos t’i besojnë dogmat për ndryshim pasi siç tha ai si LDK ofrojnë një qeverisje me integritet, duke respektuar ligjin dhe Kushtetutën.

    Para bashkëvendësve Hoti shpalosi planin për bujqësi, infrastrukturë e kulturë, duke iu premtuar shpejt edhe sistemin e ujitjes në këto anë.

    Hoti: Kërkoj mbështetjen tuaj për të ecur përpara procesi i shtetndërtimit

    “Kërkoj mbështetjen tuaj të plotë të qytetarëve të Rahovecit për të dërguar përpara procesin e shtetndërtimit. Kërkoj nga ju që mos të mashtroheni me këto dogmat e ndryshimeve. Merreni shembull e keni një komunë afër këtu në Prizren që qeveriset prej atyre që i kanë mbushur sheshet me shirita të kuq si shenj të sistemeve komuniste. Gjysma e drejtorëve janë me aktakuza në Prizren, merrni shembull nga komuna e Podujevës që deshën me e bë gjoja një ndryshim edhe sot kryetari i komunës e rrah një qytetar është denoncuar në Polici për sulm fizik. Ky nuk është ndryshimi atë që ofrojmë ne kudo që kemi qeverisur qeverisje me integritet, me ligj, me Kushtetutë në shërbim të qytetarëve i kemi pasur gjashtë muaj dhe kemi dhënë shembullin më të mirë se si qeveriset me ligj, me Kushtetutë në shërbim të qytetarëve pa bërë asnjë dallim. Edhe duke e gjetur vendin në situatën më të vështirë të mundshme që kemi pasur ndonjë herë. E kemi hapur Kosovën edhe sikur i dërgon Zoti të mirat një nga një vijnë, të vijnë besimet një nga një. Vjen mbështetja prej miqve amerikan edhe për ushtrinë edhe për projekte të mëdha që kanë me ndërruar komplet gjendjen ekonomike në Kosovë“, theksoi Hoti.

    Kryeministri në detyrë i cili është në garë për shef të ekzekutivit premtoi liberalizim të vizave për qytetarët e Kosovës.

    Hoti: Me mënyrën se si po qeverisim kemi me i heq vizat

    “Brenda 4 viteve kemi me e kthyer siç ka qenë më herët që qytetarët tanë në Krushë të Vogël kur është ndalur treni në Xërxe e Ratkoc e kanë përfunduar në Fushë-Kosovë dhe kanë përfunduar në Mynhen sepse ne kemi me integruar Kosovën në Bashkimin Evropian, ne kemi me heq vizat me mënyrën se si po qeverisim kemi me i heq vizat neve na besojnë për këto procese. Kërkojmë besimin tuaj që t’i dërgojmë përpara këto procese që sapo i kemi nisur edhe jemi në rrugë të mbarë besoni që jemi në rrugë të mbarë. E këta që shesin parulla me megafona rrugëve e me militantët e tyre të rrjeteve sociale e me militantët të Pakistanit, Indisë e vende të tjera besoni që kanë me u zhgënjyer në mbrëmjen e 14 shkurtit, kanë me u zhgënjyer sepse unë iu besoj qytetarëve të Kosovës, të Rahovecit”, tha ai.

    Kandidati për deputet nga lista e LDK-së, Kujtim Shala pati një porosit për mbështetësit e LDK-në në Rahovec.

    Shala: LDK garanton ekzistencën e shtetit të Kosovës

    “Kam një lloj porosie për ju këto janë zgjedhje të jashtëzakonshme jo vetëm në kuptimin kushtetues por edhe në një kuptim të veçantë. Janë zgjedhjet më të rëndësishme për LDK-në pas luftës dhe janë pak a shumë sikurse në vitin 2000 në të cilat LDK duhet të dëshmoj organizimin e saj politik, të dëshmoj lidhjen që kanë njerëzit e saj, fuqinë politike të strukturës së saj përballë atyre që zgjedhjet nacionale si shpallin si referendum dhe kamuflojmë tendencën që dal nga dal ta shpërbëjnë Lidhjen Demokratike të Kosovë. E di që LDK ju e mbështesin dhe e votoni jo vetëm si parti e juaja por edhe si parti që e doni dhe unë e di që LDK me 14 shkurt do përsërisë rezultatin e saj shumë të mirë të zgjedhjeve të fundit, do ta rris tutje dhe do dëshmoj se LDK është parti e madhe e solide e që do jetë këtu gjithmonë. LDK është partia që e identifikohet me shtetin e Kosovës jo vetëm si projektuese dhe themeluese saj por edhe si partia politike dhe mendësia politika që do ta garantoj ekzistencën e këtij shtetit. Që ta kemi shtetin duhet të jemi ne”, tha Shala.

    Ndërsa kreu i Aleancës Kosova e Re, Behgjet Pacolli që në zgjedhjet e 14 shkurtit garon në listë të LDK-së, tha se Kosova tashmë ka një qeveri që prapë duhet të votohet pasi siç u shpreh ai me qeverinë Hoti Kosova i ka dyert e hapura kudo.

    Pacolli Me qeverisjen e LDK-së Kosova i ka dyert e hapura kudo

    “Të votojmë listën e LDK-së, është lista që përmban kandidatët më të mirë në Kosovë, njerëz jo të korruptuar dhe të denjët , njerëz që dinë të punojnë njerëz që e duan qytetarin e vetë e duan punën që e duan Kosovën. Prandaj, me 14 shkurt të festojmë festën e madhe deh kjo do i jap të drejtë kryeministri tuaj dhe kryeministrin tonë të vazhdoj punën. Kosova ka nevojë për ecje përpara pa asnjë moment vakumi nuk kemi ndërmend të ndryshojmë qeveri. Kosova ka qeverinë e vetë e pamë se dyert për Kosovën me këtë qeveri janë të hapura kudo”, tha Pacolli.

    Në këtë tubim, u prezantuan edhe kandidatët e LDK-së nga komuna e Rahovecit të cilët synojnë një ulëse në Kuvendin e Kosovës, e që janë Fehmi Cena, Jetlir Zymberaj, Ibrahim Kryeziu.

    Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…
    Nga Rubrika
    Lajme27 Shtator 2024
    Presidentja e Kosovës, Vjosa Osmani, është duke qëndruar në Shtetet e Bashkuara të Amerikës, ku vazhdimisht ka realizuar takime mjaft të rëndësishme....
    Lajme27 Shtator 2024
    Ministri i Drejtësisë i Danimarkës, Peter Hummelgaard, ka udhëtuar në Kosovë për të parë rindërtimin e burgut që qeveria daneze ka marrë...
    Lajme27 Shtator 2024
    Kryeministri i Republikës së Kosovës, Albin Kurti, u takua dje në New York me Kryeministrin e Vanuatu, Charlot Salwai. Palët u takuan...
    Të tjera
    Lajme27 Shtator 2024
    Presidentja Vjosa Osmani ka thënë se me Kryeministrin Albin Kurti mund të mos e kenë qasjen e njëjtë, por se sa i...
    Lajme27 Shtator 2024
    Lidhja Demokratike e Kosovës ka krahasuar çmimet e disa artikujve ushqimor në vitin 2021 dhe 2024, duke thënë se gjithçka është më...
    Lajme27 Shtator 2024
    Është ndaluar një person në Vushtrri, pasi tek i njëjti, gjatë kontrollit i është gjetur dhe konfiskuar një revole. “Njësiti i hetuesisë...
    Lajme27 Shtator 2024
    Kosova është renditur në mesin e 14 vendeve ku njerëzit ndihen më së shumti të sigurt duke ecur vetëm në rrugë gjatë...
    Lajme27 Shtator 2024
    Kryetarja e Kuvendit të Serbisë, Ana Bërnabiq, ka thënë se pret që, pas formimit të institucioneve të reja evropiane dhe pas zgjedhjeve...
    Lajme27 Shtator 2024
    Zëdhënësi i Prokurorisë Themelore të Pejës, Shkodran Nikçi, ka njoftuar për një aksion anti-drogë që është zhvilluar sot në Pejë, ku janë...

    FrontOnline, © 2024 Të gjitha të drejtat e rezervuara.