Kryeministri i Kosovës, Avdullah Hoti ka folur për vizitën që kishte në Bruksel dhe takimet me zyrtarë të lartë të BE-së.

Hoti ka thënë se ndër temat kyçe që janë diskutuar ka qenë edhe çështja e liberalizimit të vizave.

Hoti ka thënë se sa i përket vizave ka një mirëkuptim të plotë nga ana e Komisionit dhe Parlamentit Evropian se Kosova i ka plotësuar kushtet për liberalizim.

“Ka një mirëkuptim të plotë nga ana e PE dhe KE-së për nevojën e Kosovës që të lëvizim lirshëm. Siç e keni pa një grup i deputetëve të Parlamentit Evropian i kanë shkruar kancelares Merkel dje, deputetë nga të gjitha grupet parlamentare dhe kjo na bën me shpresë se ka një pajtueshmëri mes të gjithë grupeve parlamentare për vizat. Sa i përket vizave është në interes që ka një mirëkuptim nga ana e Komisionit dhe Parlamentit që ne i kemi plotësuar kushtet. Janë dy tre vende që janë pak skeptike në këtë proces, por ne do të punojmë me to. Gjithsesi unë asnjëherë nuk do të japë datë sepse kjo nuk varet prej neve”, u shpreh Hoti.

Ai po ashtu ka thënë se ka falënderuar institucionet e BE-së për ndihmën që i kanë dhënë Kosovës për luftimin e pandemisë.