Lajme

Hoti: Jemi në rrugën e duhur për menaxhimin e pandemisë, po përgatitemi për fazën e re

Hoti: Jemi në rrugën e duhur për menaxhimin e pandemisë, po përgatitemi për fazën e re
10:32 | 22 Shtator 2020

Kryeministri i Kosovës, Avdullah Hoti, ka thënë se janë në rrugën e duhur për menaxhimin e pandemisë.

Në një konferencë për media, ai ka thënë pas pandemisë sistemi i shëndetësisë ka hyrë në një plan më afatgjatë të ristrukturimit të sistemit shëndetësor.

Hoti ka shtuar se në kuadër të planit të investimeve, është futur edhe shëndetësia.

“Rënia e rasteve na ka dhënë një qetësi shpirtërore ju përgëzoj për punën. Po hyjmë në fazën e vjeshtës besoj që jemi në rrugë të duhur për menaxhimin e pandemisë, objekti duhet të bëhet gati për vjeshtë të nis vaksinimi i rregullt që të jemi një mbrojtje për grupe të rrezikuara. Para dy muajve 30 deri 40 për qind nuk e besonin që virusi ekziston por tash kemi një situate tjetër. Në kuadër të një plani të investimeve e kemi fut edhe shëndetësinë i kemi marr disa inpute për të krijuar një buxhet që të rrisim kapacitetet shëndetësore”, ka thënë ai.

Ai ka thënë se duhet shtrënguar masat në mënyrë që të përgatiten për vjeshtë.

“Ministri ka presione të ndryshme nga grupe por duhet t’i mbajmë këto pasi vala e dytë është kthyer në Evropë andaj duhet të jemi të përgatitur. Do të vazhdojmë t’i kryejmë pagesat për shtesën që do të paguhen të gjithë nga personeli” ka thënë kryeministri Hoti.

https://www.facebook.com/FrontOnlineMedia/videos/1231653103867452/

Prince Caffe: Hape dhe fito preminë kryesore, çdo muaj nga një Fiat 500

Të tjera