Kryeministri i Kosovës, Avdullah Hoti në konferencën për media që mbajti sot, foli për problemet që po kanë fermerët në shitjen e qumështit në Kosovë, raporton Front Online.

Ai tha se mbështet këtë sektor, por që për shkak të pandemisë, prodhuesit e qumështit e kanë të pamundur të shesin qumështin, raporton Front Online.

“Ka dy javë që prodhuesit e qumështit e fermerët kanë vështirësi në plasimin e qumështit. Ne e mbështesim shumë këtë sektor. Duket që për shkak të situatës së krijuar nga pandemia ka ngopje të tregut me qumësht andaj përpunuesit e qumështit e kanë të pamundur të shesin qumështin në treg”, tha ai.
Hoti tregoi se janë duke punuar në dyfishimin e subvencioneve për bujqësi./Front Online/