Kandidati për kryeministër nga radhët e LDK’së, Avdullah Hoti sot gjendet në qytetin e Pejës.
Në tubimin që po e mban atje, Hoti ka thumbuar Lëvizjen Vetëvendosje, dukë u shprehur se LDK do të sigurohet që parti si VV të mos vijnë në pushtet.
“Janë duke e parë vetëm një imazh të mundësisë për pushtet, vetëm imazh se nuk do të munden, më besoni. Me këtë imazh, i kanë rënë në çaf KQZ-së si komision i pavarur, donë mu çmend. Këta nuk e meritojnë të vijnë në pushtet. Ne do të sigurohemi që këta të mos vijnë në pushtet”, tha Hoti.
“Jam krenar që me qasje bazuar në filozofin e LDK-së kemi arritur rezultatet, me të cilat mburremi. Kemi menaxhuar 3 4 procese të ndejshme.”
“Kanë bërë gjithçka për me degradu këtë marrëveshje( e 4 shtatorit), e cila u konfirmua prap nga administrata Biden, një marrëveshje që ka sjell një njohje të re dhe një miliard dollarë investime. Një marrëveshje që këta të tjerët nuk e kishin parë ëndërr, se nuk kush flet me ta.”
Hoti ka përmendur pakon e rimëkëmbjes ekonomike, dhe dyfishimin e subvencioneve.
“Me pakon rimëkëmbjen ekonomike më të madhe në rajon, e kemi përgjysmuar efektin negativ të pandemisë. Pa masat ekonomike, do të kishim shumë vështirësi. Veç ne kemi pasur mundësi që t’i hapim të gjitha dyert”, tha ai.
“Më lejoni të tregoj një fakt, 2020-tën është viti më produktiv në bujqësi, për faktin e thjeshtë, që kemi dyfishuar subvencioneve, i ka shtyrë njerëzit që të merren me bujqësi. “
Gjithashtu kryeministri në detyrë është i bindur se njerëzit në ditën e votimit do të votojnë me zemër dhe jo më like si në rrjete sociale.
“Unë ju tregoj një gjë, që jam i bindur, njerëzit nuk kanë me votu si një llajk në facebook por ku shkon te kutitë e votimit, do të votojnë me zemër. I ftoj qytetarët e Kosovës që kur të dalin para kutive të votimit të ju del para syve lista e LDK-së dhe me i pas parasysh njerëzit e listave tjera. Kurrë nuk ka ndodhur që mos me u certifiku listat zgjedhore, dje ka ndodh për herë të parë në 20 vitet e fundit. Janë njerëz që nuk respektojnë rendin demokratik, rendin kushtetues”, u shprehë ai.
