Lajme

Hoti flet për ndarjen e 60 milion eurove për bizneset

Hoti flet për ndarjen e 60 milion eurove për bizneset
17:51 | 13 Tetor 2020

Kryeministri i vendit, Avdullah Hoti ka mbajtur një konferencë për media lidhur me shpërndarjen e mjeteve nga Pakoja për Rimëkëmbje Ekonomike, raporton Front Online.

Kryeministri tregoi se qysh nga sot ka filluar shpërndarja e mjeteve për bizneset që janë goditur nga pandemia me qëllim të ndihmesës ndaj tyre.

“Masat që janë paraparë në këtë vendim janë punuar në tërësi në bashkëpunim me bizneset dhe Asociacionet e bizneseve. Ne kemi ndërhyrë për t’i ndihmuar bizneset që janë goditur nga pandemia duke marrë për bazë edhe numrin e punëtorëve të bizneseve”, ka thënë Hoti.

Kryeministri ka folur edhe për mënyrën e shpërndarjes së këtyre mjeteve për bizneset në nevojë.

“Komisioni ka sjell listën me 36 mije 679 biznese që kanë aplikuar për të qenë pjesë e subvencionimit të pagave. Ata do të përfitojnë 60 milion euro dhe përfituesit më të mëdhenj do të jenë bizneset e vogla”, ka thënë tutje Hoti.

Këto mjete për biznese sipas Hotit do të ndahen nga thesari i shtetit:

“Subvencionimi shkon direkt nga thesari i shtetit në llogaritë e bizneseve”, ka theksuar ai.

https://www.facebook.com/FrontOnlineMedia/videos/685689545660267/

Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…

Të tjera