[wp-story]

Lajme

Historia që nuk harrohet, Osmani përkujton 1133 fëmijët e humbur në luftë

Historia që nuk harrohet, Osmani përkujton 1133 fëmijët e humbur në luftë
12:46 | 17 Nëntor 2020

Kryetarja e Kuvendit, njëherësh UD e presidentit, Vjosa Osmani, ka shpërndarë një video të realizuar nga Fondi për të Drejtat Humanitare që i kushtohet fëmijëve të humbur gjatë luftës së fundit në Kosovë.

Osmani në shkrimin e saj thekson se është mirë të shihet në këtë video se çfarë ndodhi gjatë 1998-2000 ku si shkak i gjenocidit serb humbën jetën 1133 fëmijë.“Nuk është ky një rrëfim përrallash, por një realitet që përshkruan mizorinë e ndodhur përgjatë atyre viteve, ndaj më të vegjëlve.Secili nga këta fëmijë në këtë ekspozitë ka rrëfimin e vet, në të cilin shfaqet brutaliteti ndaj kësaj kategorie” shkruan Osmani në Facebook.

Postimi i plotë:

Historia që harrohet, përsëritet! Një udhëtim virtual në ekspozitën “Na ishte një herë që kurrë mos qoftë”, e Fondit për të Drejtën Humanitare- Kosovë është mundësi e mirë për të parë çfarë ndodhi më 1998-2000, vite në të cilat shkaku i gjenocidit serb, vendi ynë humbi 1133 fëmijë të moshave të ndryshme.Në uebfaqen e Kuvendit të Republikës së Kosovës http://www.kuvendikosoves.org/, kjo ekspozitë do të jetë në dispozicion për të gjithë vizitorët në vegëzën “Ekspozita virtuale “Na ishte një herë që kurrë mos qoftë”

Nuk është ky një rrëfim përrallash, por një realitet që përshkruan mizorinë e ndodhur përgjatë atyre viteve, ndaj më të vegjëlve.Secili nga këta fëmijë në këtë ekspozitë ka rrëfimin e vet, në të cilin shfaqet brutaliteti ndaj kësaj kategorie.Nëpërmjet dëshmive autentike, ekspozita shpërfaqë më së miri, atë që ndodhi në atë periudhë, si një reflektim për të ardhmen që kemi përpara dhe bindje se liria do të ketë kuptim vetëm kur ata që quan dorë ndaj këtyre fëmijëve të marrin dënimin e merituar!Përveç linkut, që është vendosur në webfaqen e Kuvendit, më poshtë mund të shihni edhe një video të përgatitur nga vizita jonë në këtë ekspozitë.

 

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera