×
  • Bota/Rajoni
  • Bota/Rajoni

    Historia e Biblës gjigande 130-vjeçare me të cilën Joe Biden ka bërë çdo betim të karrierës 50-vjeçare (fotot)

    FrontOnline
    20 Janar 2021

    Bibla gjigade me kryq kelt me të cilën Joe Biden bëri sot betimin, është një trashëgimi e familjes së tij që daton prej 130 vitesh.

    Libri me kapak lëkure, 12 cm i trashë, ka qenë në familjen e Biden që prej të paktën 1893.

    “Është një trashëgimi e familjes Biden dhe gjithmonë e pranishme në eventet e rëndësishme”, tha muajin e kaluar presidenti i ri në një intervistë me Stephen Colbert.

    Biden është besimtar praktikues katolik dhe të njëjtën Bibël i ka përdorur gjatë gjithë betimeve të karrierës politike, përfshirë dhe dy betime të tjera si zv. president.

    Për herë të parë ai e ka përdorur atë kur u betua si senator në 1973 kur ishte vetëm 30 vjeç.

    Asokohe Biden bëri betimin në klinikën shëndetësore Wilmington në Delaware, ku djemtë e tij Beau e Hunter po trajtoheshin për aksidentin rrugor, në të cilin gjeti vdekjen gruaja e tij e parë Neilia dhe bija e tyre e sapolindur Naomi.
    Djali i ndjerë i Biden, Beau, i cili vdiq në 2015 nga kanceri në tru, gjithashtu e ka përdorur Biblën familjare kur u betua si prokuror i përgjithshëm i Delaware në 2007.

    Libri është një prodhim Douay & Rheims i shekullit të 19-të. Arsyeja përse është aq i madh, është sepse përmban një koment të thelluar nga prifti e studiuesi i njohur biblik britanik, At George Leo Haydock.

    Përdorimi i librit të shenjtë nga familja Biden thekson rolin e rëndësishëm që besimi ka në jetën e tyre personale dhe profesionale, teksa presidenti i ri është vetëm i dyti si katolik praktikues në historinë e SHBA.

    Biden ndjek traditën e shumë presidentëve të tjerë amerikanë që kanë përdorur librat e familjeve të tyre për të bërë betimin në zyrë, siç ishin Ronald Reagan e Franklin D. Roosevelt.

    Disa prej tyre madje gjatë betimit i kanë mbajtur Biblat të hapura në faqet e shkrimeve më domethënëse për ceremoninë.

    Bill Clinton, për shembull kishte zgjedhur shkrimin biblik të Isaiah 58:12 – ku të devotshmit nxiten të bëhen “riparues të shkeljes”, kur u betua për mandatin e dytë në zyrë, që u shënua nga përçarjet me konservatorët.

    Presidenti i parë i SHBA besimtar i devotshëm katolik ishte John F. Kennedy, i cili në 1961 përdori për betimin librin e tij familjar me kryq gjigand përpara, të ngjashëm me Biblën e Biden.

    Kushtetuta e SHBA nuk kërkon tekst të veçantë për ceremoninë e betimit por specifikon vetëm fjalët e betimit të presidentit.

    Teksti nuk përfshin fjalët ‘prandaj Zot më ndihmo,’ por çdo president modern i ka thënë ato bashkë me betimin.
    Tradita e Biblës daton që prj lindjes së presidencës së SHBA, kur presidenti i parë George Washington në 1789 përdori Biblën e Lozhës Masonike.

    Bibla e Washington është përdoru më pas për betimet e Warren G. Harding, Dwight D. Eisenhower, Jimmy Carter e George H.W. Bush.

    KEDS zë 156 persona duke e vjedhur energjinë elektrike për një javë
    Nga Rubrika
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Bota/Rajoni29 Mars 2024
    Artileri e madhe ushtarake serbe, është parë duke u larguar mbrëmë nga komunat e Luginës së Preshevës. Klan Kosova ka siguruar pamje...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...
    Të tjera
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Kronika29 Mars 2024
    Një burrë ka njoftuar policinë se sipas tij, një i dyshuar, i njohur për ankuesin, dyshohet se ia ka vjedhur vetën e...
    Kronika29 Mars 2024
    Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave....
    Kronika29 Mars 2024
    Një grua ka njoftuar policinë se derisa ka qenë në vendin e saj të punës, ka hyrë një person i dyshuar me...
    Kronika29 Mars 2024
    Është arrestuar një person në Pejë nën dyshimin për përgatitje të veprës penale “vrasje e rëndë”. Sipas raportit policor, i dyshuari me...

    FrontOnline, © 2024 Të gjitha të drejtat e rezervuara.