Hulumtime

Hidrocentralet në Bistricë, të ndërtuara në afërsi të lumit dhe pa leje mjedisore

Hidrocentralet në Bistricë, të ndërtuara në afërsi të lumit dhe pa leje mjedisore
12:57 | 22 Korrik 2021

Leja ndërtimore për  hidrocentralin “Albaniku 2” është lëshuar në pronë ujore, në afërsi të drejtpërdrejt të lumit, në kundërshtim me Ligjin për Ujërat e Kosovës (Neni 48) që përcakton distancën prej minimum 30 metra për ndërtimin e objekteve nga vija e plotave (ujërave 100-vjeçare).

Kështu thuhet në raportin e grupit punues për shqyrtimin e procedurave administrative të zbatuara për hidrocentrale dhe ndikimin e tyre në ujëra dhe mjedis, të cilin e ka siguruar portali “Front Online”.

Sipas këtij raporti, në pjesën ku flitet për hidrocentralet në Lumin Bistricë, leja mjedisore nuk është lëshuar ende, përkundër kësaj hidrocentrali është në funksion në kundërshtim me Ligjin për Mbrojtjen e Mjedisit.

Në anën tjetër, kostoja e investimeve të këtyre hidrocentraleve nga investitori “Hydro Line sh.p.k” arrinë shumën prej rreth 12.5 milionë euro, bazuar në këtë raport.

Përndryshe, portali Front Online nga java e kaluar ka filluar botimin e raportit të hartuar nga ekspertët e Ministrisë së Mjedisit.

Ekskluzive/ Zbulohen dallavere të mëdha me hidrocentrale në Kosovë (Dokument)

Skandaloze/Hidrocentrali “Brezovica” operon pa leje mjedisore (Dokument)

/Front Online/

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Të tjera