Ministria e Punëve të Brendshme (MPB), ka lansuar një strategji për siguri kibernetike, por që po kritikohet nga qytetarët.

MPB së bashku me koordinatorin nacional për siguri kibernetike, Zafir Berisha kanë hartuar një strategji që lë të dëshirohet sa i përket sigurisë kibernetike.

Qytetarët në rrjetet sociale po e përqeshin këtë fushatë, ku rekomandohet një gjë që pothuajse është e ditur, “Të mos ia tregojmë askush fjalëkalimin tonë”.

Në faqen zyrtare të MPB’së është publikuar një fotografi me mbishkrimin “Pos prindërve, password-in mos ia trego askujt tjetër!”.

E në foton ngjitur është improvizuar një bisedë mes dy personave.

“Hej, a ma tregon passwordin?Ha-ha! JO!”, është biseda në fotografi.

Kjo bisedë ka ngjallur më shumë reagime qesharake sesa që është marrë seriozisht si thirrje strategjike për mbrojtje nga krimet kibernetike.

Më poshtë e gjeni fotografinë e publikuar nga MPB.