Kryetari i Gjilanit, Lutfi Haziri e ka quajtur lajm të mirë kalimin nga zona e kuqe në të verdhë të komunës që drejton.
Haziri ka thënë se në Gjilan 197 raste janë aktive ndërsa 53 në hospitalizim.
“Lajmi i mirë është që nga sot Gjilani kalon në shkallën e verdhë të emergjencave civile kundër pandemisë #COVID19. Gjatë ditës i kemi 12 të infektuar me virus, por 38 të shëruar. Gjendja e përgjithshme është si vijon: nga 7514 mostra, 2969 qytetarë kanë rezultuar pozitivë, 2683 janë shëruar, 89 e kanë humbur betejën me virusin, 197 raste janë aktive, 53 në hospitalizim dhe 50 mostra në pritje. Ju lutem, respektoni masat e rekomanduara nga profesionistët, maska, distanca e higjiena, si e vetmja mënyrë kundër përhapjes së COVID-19”, ka shkruar Haziri./FrontOnline/
https://www.facebook.com/hazirilutfi/posts/5069165626457129
