Anëtarja e Kryesisë së Lëvizjes Vetëvendosje, Albulena Haxhiu ka sqaruar se ajo dhe ish ministri i Punëve të Jashtme, Glauk Konjufca, nuk e kanë kundërshtuar njëri-tjetrin.

Haxhiu, përmes një postimi në profilin e saj në rrjetin social Facebook, ka shkruar se të dyja palët kanë thënë të njejtën gjë, për mundësinë e koalicionit me PDK-në, por u keqkuptua qëllimisht.

Sipas Haxhiut PDK-ja mbetet e njëjta.

“Unë dhe Glauku nuk e kemi kundërshtuar njëri-tjetrin. E kemi thënë të njëjtën gjë, në mënyra tjera. Njëri në përpjekje për të vënë në pah se tash gjendemi në një kontekst të ri politik në të cilin PDK është e parëndësishme që Lëzivja t’i vihet përballë, e që u keqkuptua qëllimisht, e tjetri në gjuhë të thjeshtëzuar për t’ia rikujtuar PDK-së që mbetet po e vjetra. Qeveria e udhëhequr nga Lëvizja VETËVENDSOJE! është e pashmangshme. Ne po punojmë që ta sigurojmë këtë, dhe besojmë në vullnetin e qytetarëve dhe punën e Lëvizjes”, ka shkruar ajo./FrontOnline/