Shefi i Grupit Parlamentar të AAK-së, Daut Haradinaj ka falenderuar qytetarët për besimin dhe votën.Ai falenderon edhe deputetët që bashkëpunuan me ta.

Haradinaj shprehet i bindur se zgjedhjet e reja do jenë demokratike.

Ky është postimi i tij i plotë:
Të nderuar qytetarë të Kosovës.
Duke ju falënderuar përzemërsisht për besimin e dhënë me votën tuaj, ju tashmë e dini që mandati po i kthehet sovranit.
Falënderoj të gjithë kolegët deputetë, ata më të cilët kishim bashkëpunim shumë të mirë, por dhe ata me të cilët kishim mospajtime, e gjithë kjo në frymën demokratike dhe në të mirën e vendit.
Deri në zgjedhjet e ardhshme, të cilat padyshim që do jenë demokratike sepse Republika e Kosovës, sovrani dhe institucionet e saj e kanë dëshmuar këtë kulturë, ju dëshiroj shëndet e çdo të mirë.
Na priftë e mbara!