Haradinaj uron për 21-vjetorin e ditës së çlirimit të Podujevës

Kryetari i AAK-së, Ramush Haradinaj, ka uruar qytetarët e Podujevës në 21-vjetorin e çlirimit të kësaj komune.

Me këtë rast, Haradinaj shkroi se përulemi me respektin më të madh për heronjtë, dëshmorët e martirët e rënë.

Prangat e robërisë thyheshin çdo ditë. Njëzetenjë vite më parë, liria erdhi edhe për Podujevën.

Falënderim për luftëtarët trima të brigadave 151 “Zahir Pajaziti” e 152 “Shaban Shala”, të cilët qëndruan deri në përmbushjen e ëndrrës së përbashkët për çlirim.

Përulemi me respektin më të madh për Heronjtë, Dëshmorët e Martirët e rënë!

I falënderojmë përjetësisht miqtë e çmuar, Shtetet e Bashkuara të Amerikës dhe Aleancën Veriatlantike.

Podujevë, urime Dita e Çlirimit!