Haradinaj thotë se nuk është në dijeni për arrestimet që mund të vijnë nga Specialja

Kryeministri në detyrë Ramush Haradinaj tha se nuk është në dijeni lidhur me arrestimet që mund të vijnë nga Gjykata Speciale, njofton Klan Kosova.

Megjithatë, duke u përgjigjur në pyetje në një konferencë për media ai dha një adresë se kush mund ta dijë.

“Nuk di asgjë duhet me i pytë ata që e kanë votuar Gjykatën. Ata ndoshta i dinë më mirë procedurat sepse unë nuk kam ndonjë informatë. Ata që e kanë votuar dhe thoshin se është e nevojshme është mirë me i pytë çka mendojnë”.

Haradinaj këtu gjithashtu tha se taksa 100% do të duhej të mbetej krahas vendosjes së reciprocitetit.

Sipas tij heqja e taksës pa e marrë njohjen është “gabim kapital politik”.

Sa i përket takimit me emisarin e SHBA-ve për Ballkanin Perëndimor, Matthew Palmer, Haradinaj deklaroi se ishte në vazhdën e një komunikimi të vazhdueshëm.

Kush ështe kosovari THE VICTOR që synon tregun e jashtëm? (video)

Sponsoruar